സൗദിയിൽ വാഹനാപകടത്തിൽ മരിച്ചത് കണ്ണൂർ സ്വദേശി; കാർ ടാങ്കർ ലോറിക്ക് പിന്നിൽ ഇടിച്ച് യുവാവ് മരിച്ചത് നാട്ടിലേക്ക് മടങ്ങാനൊരുങ്ങവെ

സൗദിയിൽ വാഹനാപകടത്തിൽ മലയാളി മരിച്ചു. കണ്ണൂർ തളിപ്പറമ്പ് കുറുമാത്തൂർ സൈദ് അലി (39) ആണ് സൗദിയിലെ ഹായിലിൽ മരിച്ചത്. ഹായിലിൽ നിന്ന് വരുന്നതിനിടെ അയൂനൽ ജുവ എന്ന സ്ഥലത്തായിരുന്നു അപകടം. ഇദ്ദേഹം ഓടിച്ചിരുന്ന കാർ ടാങ്കർ ലോറിക്ക് പിന്നിൽ ഇടിക്കുകയായിരുന്നു.

ഡിസംബർ രണ്ടിന് നാട്ടിലേയ്ക്ക് മടങ്ങാനിരിക്കെയാണ് മരണം. പിതാവ്: ആലക്കണ്ടി മുഹമ്മദ്. മാതാവ്: റാബിയ. ഭാര്യ: ആരിഫ. മക്കൾ: ആയിഷ, വഫ