ജിദ്ദ: രണ്ട് പതിറ്റാണ്ട് കാലത്തെ പ്രവാസം അവസാനിപ്പിച്ച് നാട്ടിലേക്ക് പോകുന്ന എസ് ഐ സി പ്രവർത്തകനും ഇസ്ലാമിക കലാ - സാഹിത്യ മേഖലയിലെ സജീവ സാന്നിധ്യവുമായ സി.എച്ച് അബ്ദുന്നാസറിന് സമസ്ത ഇസ്ലാമിക് സെന്റര് ജിദ്ദ സെൻട്രൽ കമ്മിറ്റി വക യാത്രയയപ്പ് നൽകി. എസ് ഐ സി അന്നഹ്ദ ഏരിയ കമ്മിറ്റി പ്രസിഡന്റ് ആയ ഇദ്ദേഹം എസ് ഐ സി നടത്തുന്ന സർഗ്ഗലയം മത്സര വേദികളിൽ തുടർച്ചയായി ഉന്നത വിജയം കരസ്ഥമാക്കിയിട്ടുണ്ട്. അതിനു പുറമെ ഇ-ദഅവ രംഗത്തെ സമസ്ത സ്‌നേഹ സൗഹൃദ ശ്രേണിയായ 'ഖാഫില' ജിദ്ദയുടെ പ്രവർത്തകനും എസ് കെ ഐ സി ആർ സ്ഥാപകകാല അഡ്‌മിന്മാരിൽ പ്രമുഖനുമാണ്.

എസ് ഐ സി ജിദ്ദ നേതൃ സംഗമ വേദിയായ 'റിയാദ 21' പരിപാടിയിൽ വെച്ച് നടന്ന യാത്രയയപ്പ് ചടങ്ങിൽ പ്രസിഡന്റ് സയ്യിദ് ഉബൈദുല്ല ഐദറൂസി തങ്ങൾ മേലാറ്റൂർ അധ്യക്ഷത വഹിച്ചു. അബ്ദുന്നാസറിന് എസ് ഐ സി വക മെമെന്റോ സയ്യിദ് ഉബൈദുല്ല തങ്ങൾ സമ്മാനിച്ചു. സംഘടന രംഗത്തും കലാ - സാഹിത്യ രംഗത്തും അബ്ദുന്നാസറിന്റെ സേവനങ്ങൾ ഏറെ ശ്ലാഘനീയമാണെന്ന് അദ്ദേഹം പറഞ്ഞു.

എസ് ഐ സി ജിദ്ദ കമ്മിറ്റി ഭാരവാഹികളായ സയ്യിദ് അൻവർ തങ്ങൾ, സയ്യിദ് സൈനുൽ ആബിദീൻ തങ്ങൾ, അബൂബക്കർ ദാരിമി ആലമ്പാടി, നജ്മുദ്ധീൻ ഹുദവി കൊണ്ടോട്ടി,അൻവർ ഫൈസി കാഞ്ഞീരപ്പുഴ, സൈനുദ്ധീൻ ഫൈസി പൊന്മള , ഉസ്മാൻ എടത്തിൽ തുടങ്ങിയവർ യാത്ര മംഗളം നേർന്നു സംസാരിച്ചു. ഇരു ഹറമുകളുമായി ബന്ധപ്പെടാനുള്ള അവസരങ്ങളും എസ് ഐ സി സംഘടന രംഗത്തെ സൗഹൃദങ്ങളും പ്രവാസം നൽകിയ വലിയ സൗഭാഗ്യങ്ങളായിരുന്നു എന്ന് മറുപടി പ്രസംഗത്തിൽ അബ്ദുന്നാസർപറഞ്ഞു.

 

യാത്രയയപ്പ്