പ്രവാസ ലോകത്തു നിന്ന് ഒരു കരോൾ സംഗീതം; ഉന്നത നന്ദനനെ എന്ന ഗാനം ഒരുക്കിയത് ജിജു ജി രാജുവും ഭാര്യയും
ക്രിസ്മസ് എന്നു കേൾക്കുമ്പോൾ നമ്മുടെ മനസിലേക്ക് ആദ്യം ഓടിയെത്തുന്നത് കരോൾ ഗാനങ്ങളാണ്, പലഗാനങ്ങളും കാലാതീതമായി ഇന്നും ക്രിസ്മസ് രാവുകളിൽ നമ്മൾ കേട്ട് ആസ്വദിക്കാറും ഉണ്ട്, അത്തരം കരോൾ ഗാനങ്ങളുടെ ഇടയിലേയ്ക്ക് എത്തുകയാണ് യുകെയിൽ നിന്നൊരു മലയാളം കരോൾ ഗാനം. ഉന്നത നന്ദനനെ എന്ന് പേരിട്ടിരിക്കുന്ന ഗാനം ഒരുക്കിയിരിക്കുന്നത് മലയാളികളായ ജിജു ജി രാജുവും ഭാര്യ ആശാ ജിജുവും ചേർന്നാണ്.
https://youtu.be/Z6t89425kpU
എത്ര കേട്ടാലും മതിവരാത്ത ഗാന ശൈലിയാണ് മറ്റു ഗാനങ്ങളിൽ നിന്ന് എന്നും കരോൾ ഗാനങ്ങളെ വേറിട്ട് നിർത്തുന്നത്. അതേ ശ്രേണിയിൽ പഴമ ഒട്ടും ചോരാതെയാണ് ജിജു അവതരിപ്പിച്ചിരിക്കുന്നത്. ഗാനം ആലപിച്ചിരിക്കുന്നത് സാറാ ശരതാണ്, സായി ബാലനാണ് സംഗീത മിശ്രണം. ആശ, സ്റ്റെഫാൻ ജിജു, ജ്യോതി എന്നിവരാണ് കരോൾ ഗാനത്തിൽ അഭിനയിച്ചിരിക്കുന്നത്. ജോലിക്കിടയിലെ ഒഴിവു സമയങ്ങളിലാണ് ജിജു വരികൾ എഴുതിയതും ചിട്ടപ്പെടുത്തിയതും . സഹായത്തിനായി ആശയും ജ്യോതിയും ജുവലും ഒപ്പം കൂടിയതോടെ മനോഹര കരോൾ ഗാനം പിറവിയെടുക്കുകയായിരുന്നു. യുകെ മലയാളികൾക്കിടയിൽ പ്രസിദ്ധമായ Neptune media യൂട്യൂബ് ചാനലിലൂടെയാണ് കരോൾ ഗാനം പുറത്തിറക്കിയത്, റിലീസ് ചെയ്ത് മണിക്കൂറുകൾ പിന്നിടുമ്പോൾ മികച്ച അഭിപ്രായമാണ് ഗാനത്തിന് ലഭിക്കുന്നത്.
