ഇറ്റലിയിൽ തിങ്കളാഴ്‌ച്ച മുതൽ കോവിഡ് മാനദണ്ഡങ്ങളിൽ മാറ്റം; പൊതുഗതാഗതത്തിൽ യാത്ര ചെയ്യാനും ഗ്രീൻ പാസ് നിർബന്ധം
ക്രിസ്മസ് സീസണിൽ സർക്കാർ കോവിഡ് -19 നിയന്ത്രണങ്ങൾ കർശനമാക്കുന്നതിന്റെ ഭാഗമായി ഇറ്റലിയിൽ പൊതുഗതാഗതത്തിൽ യാത്ര ചെയ്യുന്ന ആളുകൾക്ക് ഡിസംബർ 6 മുതൽ കുറഞ്ഞത് ജനുവരി 15 വരെ ഗ്രീൻ പാസ് നിർബന്ധമാക്കി.കൊറോണ വൈറസിന്റെ വ്യാപനം നിയന്ത്രിക്കാൻ ലക്ഷ്യമിട്ടാണ് സർക്കാർ പുതിയ കോവിഡ് നിയന്ത്രണങ്ങൾ തിങ്കളാഴ്‌ച്ച മുതൽ നടപ്പിലാക്കുന്നത്.
തിങ്കളാഴ്ച മുതൽ, മിക്ക പൊതു ഇടങ്ങളിലും പ്രവേശിക്കാൻ ഒരു 'സൂപ്പർ ഗ്രീൻ പാസ്' ആവശ്യമായി വരും.ഗ്രീൻ പാസ് - ഹോൾഡർ വാക്സിനേഷൻ എടുത്തിട്ടുണ്ടെന്ന് തെളിയിക്കുന്ന, നെഗറ്റീവ് ടെസ്റ്റ് അല്ലെങ്കിൽ കോവിഡിൽ നിന്ന് സുഖം പ്രാപിച്ചുവെന്ന് തെളിയിക്കുന്നു സർട്ടിഫിക്കറ്റ് ആണ് ഗ്രീൻ പാസ്. ഈ ഗ്രീൻ പാസ് അന്തർ മേഖലാ റെയിൽ യാത്രകൾ, അതിവേഗ ട്രെയിൻ സർവീസുകൾ, ഫെറികൾ, ഫ്‌ളൈറ്റുകൾ ഉൾപ്പെടെയുള്ള ദീർഘദൂര യാത്രകൾ എന്നിവയ്ക്ക് ആവശ്യമായി വരും.
ഡിസംബർ 6 മുതൽ ഡിജിറ്റൽ, പേപ്പർ ഫോർമാറ്റുകളിൽ വരുന്ന സർട്ടിഫിക്കറ്റ് - ബസ്, മെട്രോ, ട്രാമുകൾ എന്നിവയുൾപ്പെടെയുള്ള പ്രാദേശിക പൊതുഗതാഗത ശൃംഖലകൾക്കും പ്രാദേശിക റെയിൽ യാത്രകൾക്കും കാണിക്കേണ്ടതായി വരും.ഇറ്റലിയുടെ സൂപ്പർ ഗ്രീൻ പാസ് ഡിക്രി എന്ന് വിളിക്കപ്പെടുന്നതിന്റെ ഭാഗമായാണ് നിയമങ്ങൾ മാറുന്നത്, വാക്സിനേഷൻ എടുക്കാത്ത ആളുകളെ സാമൂഹികവും സാംസ്‌കാരികവും കായികവുമായ നിരവധി പ്രവർത്തനങ്ങളിൽ നിന്ന് ഒഴിവാക്കും.മാത്രമല്ല വാക്സിനേഷൻ എടുക്കാത്തവർക്ക് ഇൻഡോർ റെസ്റ്റോറന്റുകൾ, ബാറുകൾ, സിനിമാശാലകൾ, തിയേറ്ററുകൾ, നൈറ്റ് ക്ലബ്ബുകൾ അല്ലെങ്കിൽ സ്പോർട്സ് സ്റ്റേഡിയം എന്നിവയിൽ പ്രവേശിക്കാൻ കഴിയില്ല എന്നാണ്.
കൂടാതെ ഡിസംബർ 6-ന് ശേഷം ഇറ്റലിയിലെ പ്രാദേശിക പൊതുഗതാഗതത്തിലോ റീജിയണൽ ട്രെയിനുകളിലോ യാത്ര ചെയ്യേണ്ട വാക്സിനേഷൻ എടുക്കാത്ത ആളുകൾക്ക് ഓരോ 48 മണിക്കൂറിലും നെഗറ്റീവ് കോവിഡ് പരിശോധനാ ഫലം ലഭിക്കുന്നതിലൂടെ ഗ്രീൻ പാസ് നേടാം.
ഈ ആവശ്യകത ജനുവരി 15 വരെ പ്രാബല്യത്തിൽ വരും, ഇത് 2022 വരെ നീട്ടാം.
വാക്സിനേഷൻ എടുക്കാത്ത തൊഴിലാളികൾക്ക് ഇപ്പോഴും രണ്ട് ദിവസം കൂടുമ്പോൾ പരിശോധിക്കുന്ന നിലവിലെ സംവിധാനം ഉപയോഗിച്ച് അവരുടെ ജോലിസ്ഥലത്തേക്ക് പ്രവേശിക്കാം എന്നതാണ് മാറ്റമില്ലാതെ തുടരുന്ന ഏക മേഖല.
