കൂട്ടിക്കൽ മേഖലയിൽ ശക്തമായ മഴ; ഇടുക്കി ഉറുമ്പിക്കരയിൽ ഉരുൾ പൊട്ടിയതായി സംശയം

കോട്ടയം: കൂട്ടിക്കൽ മേഖലയിൽ കനത്ത മഴ. ചപ്പാത്തിന് മുകളിലൂടെ വെള്ളം ഒഴുകുന്നതായി റിപ്പോർട്ട്. ഇടുക്കി ഉറുമ്പിക്കര മേഖലകളിൽ ഉരുൾപൊട്ടൽ ഉണ്ടായതായും സംശയമുണ്ട്.

ഒക്ടോബർ മാസത്തിലുണ്ടായ പ്രളയത്തിന് സമാനമായ മഴയാണ് ഇപ്പോൾ അനുഭവപ്പെടുന്നതെന്ന് നാട്ടുകാർ പറയുന്നു. കൂടാതെ, പുല്ലകയാറിൽ ശക്തമായ മഴവെള്ളപ്പാച്ചിലുണ്ട്. റവന്യൂ ഉദ്യോഗസ്ഥരും പൊലീസും, അഗ്‌നിശമന സേനയും കൂട്ടിക്കലിലെത്തിയിട്ടുണ്ട്.

വിതുരയിലെ മലയോര മേഖലകളിൽ ശക്തമായ മഴയാണ് അനുഭവപ്പെടുന്നത്. വാമനപുരം നദിയിൽ ജലനിരപ്പ് ഉയർന്നു. കല്ലാർമൊട്ടമൂടിൽ ഒരു വീട്ടിൽ വെള്ളം കയറിയതായി അധികൃതർ അറിയിച്ചു.