കോഴിക്കോട്: നീണ്ട ഇടവേളയ്ക്ക് ശേഷം ഐടി ജീവനക്കാർ തിരിച്ചെത്തിയതോടെ സൈബർപാർക്ക് കാമ്പസ് വീണ്ടും സജീവമാകുന്നു. ജീവനക്കാരുടെ വിനോദത്തിനും കഴിവുകളെ പരിപോഷിപ്പിക്കുന്നതിനും ആരോഗ്യ സംരക്ഷണത്തിനും കാമ്പസിൽ വിവിധ വേദികൾ ഒരുങ്ങി. സംഗീത പ്രേമികൾക്കായി ജീവനക്കാരുടെ കൂട്ടായ്മയിൽ സൈബർപാർക്കിൽ സഹ്യ മ്യൂസിക് ക്ലബിന് തുടക്കമിട്ടു. ബിയോണ്ട് ദി ബാൻഡ് എന്ന സംഗീത സംഘത്തിന്റെ പരിപാടിയോടെയായിരുന്നു ഉൽഘാടനം.

എല്ലാ ആഴ്ചകളിലും ക്ലബിന്റെ നേതൃത്വത്തിൽ സംഗീത പരിപാടികൾ സംഘടിപ്പിക്കുമെന്ന് കൺവീനർ ഫാത്തിമ നൗറീൻ പറഞ്ഞു. ഇതോടൊപ്പം സൈബർപാർക്കിലെ കമ്പനിയായ പിക്സ്ബിറ്റ് സൊലൂഷൻസ് ജീവനക്കാർക്കായി സുംബ ഡാൻസ് പരിശീലനവും ആരംഭിച്ചിട്ടുണ്ട്. ഫിറ്റ്നസ് വിദഗ്ധരായ പരിശീലകരുടെ നേതൃത്വത്തിൽ ആഴ്ചയിൽ രണ്ടു ദിവസം സുംബ സംഘടിക്കുമെന്ന് കമ്പനി അധികൃതർ അറിയിച്ചു.

 

സൈബർപാർക്ക്