കൊച്ചി: മെഡിക്കൽ ഉപകരണങ്ങളുടെ ഓൺലൈൻ വിൽപ്പന, വിതരണ രംഗത്ത് ചുരുങ്ങിയ കാലയളവിൽ ഇന്ത്യയിലെ മുൻനിര ഇ-മാർക്കറ്റ്പ്ലേസ് ആയി മാറിയ കൊച്ചി ആസ്ഥാനമായ ബി ടു ബി സ്റ്റാർട്ടപ്പ് കോഗ്ലാൻഡ് കൊമേഴ്സ് പ്രൈവറ്റ് ലിമിറ്റഡിന് ഒരു വർഷത്തിനിടെ പത്തിരട്ടിയിലേറെ വരുമാന വർധന. ഇന്ത്യയിലുടനീളമുള്ള വലുതും ചെറുതുമായ ആശുപത്രികൾക്കും ക്ലിനിക്കുകൾക്കും മറ്റ് ആരോഗ്യ കേന്ദ്രങ്ങൾക്കും ആവശ്യമായ മെഡിക്കൽ ഉപകരണങ്ങൾ കുറഞ്ഞ ചെലവിൽ വേഗത്തിൽ സംഭരിക്കാവുന്ന പ്ലാറ്റ്ഫോമാണ് കോഗ്ലാൻഡ്. മെഡിക്കൽ ഉപകരണ നിർമ്മാണ കമ്പനികളിൽ നിന്ന് നേരിട്ട് വാങ്ങിയാണ് കോഗ്ലാൻഡ് ഓൺലൈൻ മുഖേന ഇവ ആശുപത്രികൾക്ക് വിതരണം ചെയ്യുന്നത്. ഉപകരണങ്ങളുടെ സംഭരണം, ലഭ്യത, വിലയിലെ ചാഞ്ചാട്ടം, ഉൽപ്പന്നങ്ങളുടെ തിരഞ്ഞെടുപ്പ്, വിതരണം തുടങ്ങിയ വെല്ലുവിളികൾക്ക് പരിഹാരം കണ്ടെത്തുകയാണ് കോഗ്ലാൻഡ് ചെയ്തത്. കോവിഡ് പ്രതിസന്ധി ഉടലെടുത്തതോടെ കമ്പനിയുടെ സേവനത്തിന് രാജ്യത്തുടനീളം ആവശ്യക്കാരുമേറി. കോവിഡ് കാരണം വിപണിയിലുണ്ടായ വൻ ഡിമാൻഡും സമ്പർക്കരഹിത ഇടപാടുകൾക്ക് ലഭിച്ച സ്വീകാര്യതയുമാണ് ചുരുങ്ങിയ സമയത്തിനുള്ളിൽ പത്തിരട്ടിയിലേറെ വരുമാനം നേടാൻ സഹായകമായതെന്ന് കോഗ്ലാൻഡ് കൊമേഴ്സ് പ്രൈവറ്റ് ലിമിറ്റഡ് സിഇഓയും മാനേജിങ് ഡയറക്ടറുമായ വർഗീസ് സാമുവൽ പറഞ്ഞു.

രാജ്യം കോവിഡ് മഹാമാരിയിൽ വീർപ്പുമുട്ടുമ്പോൾ സമ്പർക്കരഹിത ഡെലിവറി വഴി മെഡിക്കൽ ഉപകരണങ്ങളുടെ വിതരണവും സംഭരണവും സുരക്ഷിതവും സമയബന്ധിതവുമാക്കാൻ കോഗ് ലാൻഡ് കൂടുതൽ ഡിജിറ്റൽ സാധ്യതകളെ ഉപയോഗപ്പെടുത്തി. ആശുപത്രികളിലേയും ക്ലിനിക്കുകളിലേയും സ്റ്റോക്ക് തീരുന്നത് ഒഴിവാക്കാൻ ഞങ്ങളുടെ ടീം വിതരണത്തിനായി മുഴുസമയവും ജോലി ചെയ്തു- അദ്ദേഹം പറഞ്ഞു.

മെഡിക്കൽ സാങ്കേതികവിദ്യ കുതിച്ചുചാട്ടം നടത്തിയിട്ടുണ്ടെങ്കിലും ഉപകരണങ്ങളുടെ വിതരണ ശൃംഖലയും സംഭരണവും ഇപ്പോഴും പഴയപടി തന്നെയാണ്. ഇത് ഉപകരണങ്ങളുടെ ലഭ്യതയിൽ കാലതാമസവും ഉണ്ടാക്കുന്നു. വിപണിയിലുള്ള വ്യാജ ഉൽപ്പന്നങ്ങളും മറ്റൊരു പ്രശ്നമാണ്. ഇതെല്ലാം പരിഹരിച്ച് ഇടനിലക്കാരും നീണ്ട പ്രക്രിയയും മീറ്റുങ്ങുകളുമൊന്നും ആവശ്യമില്ലാത്ത ബി ടു ബി ഇ-കൊമേഴ്സ് പ്ലാറ്റ്ഫോം ആണിത്- വർഗീസ് സാമുവൽ പറഞ്ഞു.

അത്യാധുനിക മെഡിക്കൽ ഉപകരണങ്ങൾ നിർമ്മിക്കുന്ന 50ലേറെ കമ്പനികൾ ഇന്ന് കോഗ്ലാൻഡ് വഴി ഉൽപ്പന്നങ്ങൾ വിതരണം ചെയ്യുന്നുണ്ട്. ഓതറൈസ് ചെയ്ത അക്കൗണ്ട് ലഭ്യമായാൽ ഡോക്ടർമാർക്കും ഫാർമസികൾക്കും, നഴ്സുമാർക്കും ടെക്നീഷ്യൻസിനും ഏതു മെഡിക്കൽ ഉപകരണവും കോഗ്ലാൻഡ് വഴി നേരിട്ടു വാങ്ങാം. വിപണിയിൽ മികച്ച മുന്നേറ്റമുണ്ടാക്കുന്ന കമ്പനി കൊച്ചിയിൽ പ്രവർത്തനം വിപുലപ്പെടുത്താനുള്ള ഒരുക്കത്തിലാണ്. വിവിധ വകുപ്പുകളിലായി കൂടുതൽ ജീവനക്കാരെ വൈകാതെ റിക്രൂട്ട് ചെയ്യും. കൊച്ചി ഇൻഫോപാർക്കിലും തിരുവനന്തപുരം ടെക്നോപാർക്കിലും സാന്നിധ്യമുള്ള യുഎസ് ഐടി കമ്പനി ഫിൻജെന്റ് ടെക്നോളജീസിന്റെ സഹോദര സ്ഥാപനമായി 2015ൽ ഇൻഫോപാർക്കിലാണ് കോഗ്ലാൻഡിന്റെ തുടക്കം.

ഇൻഫോപാർക്ക് സ്റ്റാർട്ടപ്പ്