പ്ലസ് വൺ പ്രവേശനം: 79 അധിക ബാച്ചുകൾ അനുവദിച്ച് ഉത്തരവ്; സ്‌കൂളുകളുടെ പട്ടിക ഉടൻ

തിരുവനന്തപുരം: പ്ലസ് വൺ പ്രവേശനം പൂർത്തിയാകാത്ത സാഹചര്യത്തിൽ സംസ്ഥാനത്ത് 79 അധിക പ്ലസ് വൺ ബാച്ച് അനുവദിച്ച് സർക്കാർ ഉത്തരവ്. നേരത്ത 71 ബാച്ച് അനുവദിക്കും എന്നായിരുന്നു അറിയിപ്പ്. സയൻസിൽ 20 ബാച്ച് അധികം അനുവദിച്ചു. സ്‌കൂളുകളുടെ പട്ടിക ഉടൻ ഇറക്കും.

അതേസമയം, പ്ലസ് വൺ / വോക്കഷണൽ ഹയർ സെക്കന്ററി ഒന്നാം വർഷ പരീക്ഷക്ക് ഇമ്പ്രൂവ്‌മെന്റ് പരീക്ഷ അനുവദിക്കാൻ സർക്കാർ തീരുമാനിച്ചു. നേരത്തെ ഇമ്പ്രൂവ്‌മെന്റ് വേണ്ട എന്നായിരുന്നു സർക്കാർ നിലപാട്.കോവിഡ് പശ്ചാത്തലത്തിൽ നിരവധി കുട്ടികൾക്ക് പരീക്ഷ എഴുതാൻ കഴിഞ്ഞില്ല എന്ന പരാതി ഉയർന്നിരുന്നു.ഇമ്പ്രൂവ്‌മെന്റ് പരീക്ഷ വിവരങ്ങൾ ഉടൻ ഹയർ സെക്കന്ററി വകുപ്പ് നൽകും.