തലശേരിയിൽ വാഹനാപകടത്തിൽ എട്ടുപേർക്ക് പരുക്കേറ്റു; കൂട്ടിയിടിച്ചത് സ്വകാര്യ ബസും നാഷണൽ പെർമിറ്റ് ലോറിയും

തലശേരി: തലശേരി മുകുന്ദ് ജംഗ്ഷനിൽ സ്വകാര്യ ബസും ലോറിയും കൂട്ടിയിടിച്ച് എട്ടുപേർക്ക് പരിക്ക്. കോഴിക്കോട് നിന്ന് വരുന്ന സ്വകാര്യ ബസും കണ്ണൂർ ഭാഗത്ത് നിന്ന് വരുന്ന നാഷണൽ പെർമിറ്റ് ലോറിയുമാണ് അപകടത്തിൽപ്പെട്ടത്.

കണ്ണുർ കന്റോൺമെന്റ് സ്വദേശി സ്റ്റീഫൻ ഫെർണാണ്ടസ്, ഭാര്യ ബിന്ദു ഫെർണാണ്ടസ് പുന്നോൽ ശ്രീവിഹാറിൽനിധീഷ് (28) മുക്കാളി സ്വദേശി അനസ്(21) എന്നിവർക്കാണ് പരുക്കേറ്റത്. ഇവരെ തലശേരി ജനറൽ ആശുപത്രിയിൽ പ്രവേശിപ്പിച്ചു. മറ്റു നാലു പേർക്ക് പ്രാഥമിക ചികിത്സ നൽകി വിട്ടയച്ചു. ഇന്ന് രാവിലെ എട്ടേമുക്കാലിനാണ് സംഭവം. തലശേരി പൊലിസും ഫയർഫോഴ്‌സും രക്ഷാപ്രവർത്തനം നടത്തി.