ദോഹ: ഖത്തറിലെ പ്രമുഖ കഫേ ബ്രാൻഡായ ടീ ടൈം ഗ്രൂപ്പിന്റെ 'അമ്പതാമത് ശാഖ' ഫരീജ് അൽ മനാസീറിൽ പ്രവർത്തനമാരംഭിച്ചു. നാസർ ജമാൽ നാസർ റബീഹ് അൽ കഅബിയുടെ സാന്നിധ്യത്തിൽ നടന്ന ചടങ്ങിൽ ഗ്രൂപ്പ് മാനേജിങ് ഡയറക്ടർ അബ്ദുൽ കരീം പുതിയ ശാഖയുടെ ഉദ്ഘാടനം നിർവ്വഹിച്ചു.

കഴിഞ്ഞ രണ്ട് പതിറ്റാണ്ടോളമായി സ്വദേശികളുടേയും വിദേശികളുടേയും പ്രിയങ്കരമായ ബ്രാൻഡായി മാറിയ ടീ ടൈം ഗ്രൂപ്പ് അതിന്റെ ജൈത്ര യാത്ര തുടരുകയാണ്. സിറ്റി സെന്ററിലും വില്ലാജിയോ മാളിലുമുള്ള പ്രീമിയം ഔട്ട്‌ലെറ്റുകൾ ഉൾപ്പെടെ ഖത്തറിന്റെ വിവിധ ഭാഗങ്ങളിലായി പ്രവർത്തിക്കുന്ന ശാഖകൾ ടീ ടൈം ഗ്രൂപ്പിന്റെ ജനകീയത അടയാളപ്പെടുത്തുന്നവയാണ്.

സവിശേഷമായ ചായയോടൊപ്പം മുന്നൂറിലധികം വിഭവങ്ങളാൽ ധന്യമായ മെനു എല്ലാതരം ഭക്ഷണപ്രിയരേയും തൃപ്തിപ്പെടുത്തി സ്വീകാര്യത നേടിയിരിക്കുന്നു. കഴിഞ്ഞ കാലയളവിൽ ഖത്തറിലെ കലാ കായിക സാംസ്‌കാരിക മേഖലകളിലെ ശ്രദ്ധേയ സാന്നിധ്യം കൂടിയാണ് ടീ ടൈം ഗ്രൂപ്പ്

 

ടീ ടൈം