ഓസ്ട്രിയ ക്വാറന്റെയ്ൻ നിയമങ്ങൾ കർശനമാക്കുകയാണ്.പുതിയ ഒമിക്റോൺ വേരിയന്റ് കൂടുതൽ പടരുന്നത് വ്യാപകമായതോടെയാണ് ക്വാറന്റെയ്ൻ നിയമങ്ങൾ കർശനമാക്കുന്നത്.പുതിയ നിയമങ്ങൾ പ്രകാരം, ഒമിക്റോൺ വേരിയന്റിന് പോസിറ്റീവായ ഒരാളുമായി സമ്പർക്കം പുലർത്തുന്ന ആരെയും 'കാറ്റഗറി 1' കോൺടാക്റ്റായി കണക്കാക്കുകയും 14 ദിവസത്തേക്ക് ക്വാറന്റൈൻ ചെയ്യുകയും വേണം. പിസിആർ പരിശോധനാഫലം നെഗറ്റീവ് ആയാലും ക്വാറന്റെയ്ൻ അവസാനിപ്പിക്കാൻ സാധിക്കില്ല.

മുമ്പത്തെ നിയമങ്ങൾ അനുസരിച്ച്, ക്വാറന്റൈൻ പത്ത് ദിവസമായിരുന്നു വേണ്ടിയിരുന്നത്.അഞ്ച് കഴിഞ്ഞ് നെഗറ്റീവ് പിസിആർ പരിശോധനയിലൂടെ നെഗറ്റീവ് ആയാൽ ക്വാറന്റെയ്ൻ അവസാനിപ്പിക്കാനും കഴിയും.കോവിഡ്-19-നെതിരെ പൂർണ്ണമായി വാക്‌സിനേഷൻ എടുത്തവരോ കഴിഞ്ഞ 180 ദിവസത്തിനുള്ളിൽ വൈറസിൽ നിന്ന് സുഖം പ്രാപിച്ചവരോ ആയ ആളുകൾക്ക് ക്വാറന്റൈൻ നിർബന്ധമല്ല, പകരം അവരെ 'കാറ്റഗറി 2' കോൺടാക്റ്റുകളായി കണക്കാക്കിയിരുന്നു. കാറ്റഗറി 2 ആളുകളോട് അവരുടെ സാമൂഹിക സമ്പർക്കങ്ങൾ കുറയ്ക്കാനും രോഗലക്ഷണങ്ങളെക്കുറിച്ച് കൂടുതൽ ജാഗ്രത പുലർത്താനും നിർദ്ദേശിച്ചിരുന്നു. എന്നാൽ ഓമിക്രോൺ അല്ലാത്ത കോവിഡ് വേരിയന്റുകൾക്ക് മുമ്പത്തേ പോലെ തന്നെ ക്വാറന്റെയ്ൻ ഇളവുകൾ ബാധകമായിരിക്കും.

ക്വാറന്റൈൻ സമയത്ത്, നിങ്ങൾക്ക് നിങ്ങളുടെ വീടോ താമസ സ്ഥലമോ വിട്ടുപോകാനോ നിങ്ങളുടെ വീട്ടിൽ ആരെയും പ്രവേശിപ്പിക്കാനോ പാടില്ല. അത് സാധ്യമല്ലെങ്കിൽ, ഉദാഹരണത്തിന്, നിങ്ങൾ ആരെങ്കിലുമായി താമസസ്ഥലം പങ്കിടുകയാണെങ്കിൽ, അവരിൽ നിന്ന് പരമാവധി അകലം പാലിക്കേണ്ടതുണ്ട്.ക്വാറന്റൈൻ നിയമങ്ങൾ ലംഘിച്ചാൽ ഉയർന്ന പിഴ ഈടാക്കാം

 

ഓസ്ട്രിയ ക്വാറന്റെയ്ൻ