കോട്ടയം: നബാർഡ് സഹകരണത്തോടെ ഇസാഫ് സ്‌മോൾ ഫിനാൻസ് ബാങ്ക് നടപ്പിലാക്കുന്ന സുസ്ഥിര സാമ്പത്തിക വികസന പരീശീലന പദ്ധതി കോട്ടയം ജില്ലയിലും ആരംഭിച്ചു. വിജയപുരം പഞ്ചായത്തിൽ നടപ്പിലാക്കുന്ന പദ്ധതി തിരുവഞ്ചൂർ രാധാകൃഷ്ണൻ എംഎൽഎ ഉൽഘാടനം ചെയ്തു. പ്രാദേശിക തലത്തിൽ സാമ്പത്തിക ശാക്തീകരണവും സാമ്പത്തിക സ്വാതന്ത്ര്യവും പ്രോത്സാഹിപ്പിക്കുകയാണ് പദ്ധതിയിലൂടെ ലക്ഷ്യമിടുന്നത്. ഗ്രാമ പഞ്ചായത്ത് അംഗങ്ങൾ മുഖേനയായിരിക്കും ഈ പദ്ധതി ജനങ്ങളിലേക്ക് എത്തുക. 14 ജില്ലകളിലായിy തിരഞ്ഞെടുത്ത 300 പഞ്ചായത്തുകളിലാണ് ആദ്യ ഘട്ടത്തിൽ പദ്ധതി നടപ്പിലാക്കുന്നത്.

വിജയപുരം ഗ്രാമ പഞ്ചായത്ത് ഹാളിൽ നടന്ന ചടങ്ങിൽ പഞ്ചായത്ത് പ്രസിഡന്റ് വി ടി സോമൻ കുട്ടി അധ്യക്ഷത വഹിച്ചു. നബാർഡ് ജനറൽ മാനേജർ പി.എസ് മോഹനൻ ക്ലാസെടുത്തു. നബാർഡ് ഡിഡിഎം റെജി വർഗീസ്, വിജയപുരം പഞ്ചായത്ത് പ്രസിഡന്റ് രഞ്ജിനി സന്തോഷ്, ഇസാഫ് സസ്‌റ്റൈനബിൾ ബാങ്കിങ് ചീഫ് മാനേജർ സന്ധ്യ സുരേഷ്, കോട്ടയം ക്ലസ്റ്റർ ഹെഡ് ദീപ ജോസ്, കോട്ടയം ബ്രാഞ്ച് ഹെഡ് രാമാനന്ദ പ്രഭു എന്നിവർ പങ്കെടുത്തു

 

ഇസാഫ് സ്‌മോൾ ഫിനാൻസ് ബാങ്ക്