കൾച്ചറൽ ഫോറം നടുമുറ്റം ഇ മാഗസിൻ ഇടം പ്രകാശനം ചെയ്തു

ദോഹ: കൾച്ചറൽ ഫോറം ഖത്തറിനു കീഴിലുള്ള വനിതാ കൂട്ടായ്മ നടുമുറ്റം ഖത്തർ ഒരുക്കിയ ഇ മാഗസിൻ ഇടം പ്രകാശനം ചെയ്തു.നുഐജയിലെ കൾച്ചറൽ ഫോറം ഹാളിൽ നടന്ന ചടങ്ങിൽകൾച്ചറൽ ഫോറം മുൻ പ്രസിഡന്റ് ഡോ.താജ് ആലുവയാണ് പ്രകാശനം നിർവ്വഹിച്ചത്.

ഖത്തറിലെ പ്രവാസികൾക്കിടയിൽ സേവനത്തിന്റെ വഴികളിലും രാഷ്ട്രീയ നിലപാടുകളിലൂടെയും ശ്രദ്ധേയമായിട്ടുള്ള നടുമുറ്റത്തിൽ നിന്നും പ്രവാസി വീട്ടമ്മമാരുടെ സർഗാത്മക കഴിവുകളെ പ്രോത്സാഹിപ്പിച്ചുകൊണ്ട് പുറത്തിറക്കിയ ഇടം ഏറെ അഭിനന്ദനമർഹിക്കുന്നതാണെന്ന് ഡോ.താജ് ആലുവ പറഞ്ഞു.

മാഗസിൻ എഡിറ്റർ സജ്‌ന സാക്കി സംസാരിച്ചു. നടുമുറ്റം മുൻ ചീഫ് കോഡിനേറ്റർ ആബിദ സുബൈർ സ്വാഗതം പറഞ്ഞു.ശാദിയ ഷരീഫ്,സന അബ്ദുല്ല,നിത്യ സുബീഷ്,വാഹിദ സുബി എന്നിവരാണ് എഡിറ്റോറിയൽ ടീമംഗങ്ങൾ. കൾച്ചറൽ ഫോറം ജനറൽ സെക്രട്ടറി മജീദലി,സെക്രട്ടറി അഹമ്മദ് ഷാഫി എന്നിവരും വിവിധ ഏരിയകളിലെ നടുമുറ്റം പ്രവർത്തകരും പരിപാടിയിൽ സംബന്ധിച്ചു.