മലപ്പുറം രാമപുരത്ത് ലോറിക്ക് പിന്നിൽ സ്‌കൂട്ടറിടിച്ച് മുപ്പതുകാരൻ മരിച്ചു; നിർധന കുടുംബത്തിന് നഷ്ടമായത് ഏകആശ്രയം

മലപ്പുറം: ലോറിക്ക് പിന്നിൽ സ്‌കൂട്ടറിടിച്ച് യുവാവ് മരിച്ചു. രാമപുരം അള്ളാളത്ത് കോളനിയിലെ പരേതനായ നീലാണ്ടന്റെ മകൻ സുരേന്ദ്രൻ (30) നാണ് മരിച്ചത്. ദേശീയപാത രാമപുരം സ്‌കൂൾപടി എസ്സാർ പെട്രോൾ പമ്പിനടുത്ത് രാത്രിയാണ് ബൈക്കും ലോറിയും തമ്മിൽ ഇടിച്ചുണ്ടായ അപകടത്തിൽ ഗുരുതരമായി പരിക്കേറ്റത്.

അപകടസ്ഥലത്ത് നിന്ന് ഉടനെ പെരിന്തൽമണ്ണ മൗലാന ഹോസ്പിറ്റലിലേക്കും തുടർന്ന് മഞ്ചേരി മെഡിക്കൽ കോളേജിലേക്കും എത്തിച്ചെങ്കിലും ജീവൻ രക്ഷിക്കാനായില്ല. നിർധന കുടുംബത്തിന്റെ അത്താണിയാണ് സുരേന്ദ്രൻ. ഹൗസ്പെയ്ന്റിങ് തൊഴിലാളിയാണ്. കരിഞ്ചാപ്പാടി പൊരുന്നുമ്മലിൽ വാടക വീട്ടിലാണ് കുടുംബസമേതം താമസിക്കുന്നത്. മങ്കട പൊലീസ് മേൽ നടപടി സ്വീകരിച്ചു.കോഴിക്കോട് മെഡിക്കൽ കോളേജിൽ നിന്ന് പോസ്റ്റ്മോർട്ടം ചെയ്തതിനു ശേഷം കുടുംബ ശ്മശാനത്തിൽ സംസ്‌ക്കരിച്ചു.അമ്മ: മാത, ഭാര്യ: രമ്യ (കാച്ചി നിക്കാട്) മക്കൾ: സച്ചു ദേവ്, അതിഥി, സഹോദരങ്ങൾ: രാധാകൃഷ്ണൻ ,സതീഷ്, രാജേഷ്,