സ്‌കൂട്ടർ മോഷ്ടിച്ച് കടന്നു; യാത്രക്കിടെ പെട്രോൾ തീർന്നു; കാശില്ലാതെ നടുറോഡിൽ കുടുങ്ങി; മോഷ്ടാവ് പൊലീസ് പിടിയിൽ

കൊച്ചി: കൊച്ചി അമ്പലമേട്ടിൽ നിന്ന് സ്‌കൂട്ടർ മോഷ്ടിച്ച് കടന്നുകളഞ്ഞ മോഷ്ടാവ് പിടിയിൽ. അമ്പലമേട് കേബിൾ നെറ്റ് വർക്ക് ഓഫീസിന് മുന്നിൽ നിന്നും മോഷ്ടിച്ച സ്‌കൂട്ടറിൽ യാത്ര ചെയ്യുന്നതിനിടെ വാഹനത്തിൽ പെട്രോൾ തീർന്നതാണ് യുവാവിനെ പിടിക്കാൻ ഇടയാക്കിയത്.

വഴിയിൽ പെട്രോളടിക്കാൻ പൈസയില്ലാതെ പെട്ട് നിന്ന ചോറ്റാനിക്കര സ്വദേശി ജോബിയെ കണ്ട നാട്ടുകാർക്കാണ് സംശയം തോന്നിയത്. സാമൂഹിക മാധ്യമങ്ങളിൽ പ്രചരിച്ച മോഷണ ദൃശ്യത്തിലെ ചെറുപ്പക്കാരനാണോയെന്ന നാട്ടുകാരുടെ സംശയം തെറ്റിയില്ല. പൊലീസെത്തി ചോദ്യം ചെയ്തപ്പോൾ ജോബി കുറ്റം സമ്മതിച്ചു. തുടർന്ന് യുവാവിനെ മജിസ്‌ട്രേറ്റിന് മുന്നിൽ ഹാജരാക്കി റിമാന്റ് ചെയ്തു.