മത്സ്യത്തൊഴിലാളിയുടെ വലയിൽ കുടുങ്ങിയത് മലമ്പാമ്പ്; ജീവനോടെ പുറത്തെടുക്കാൻ വല പൂർണമായും നശിപ്പിച്ചു; നഷ്ടം 50,000 രൂപ

അരൂർ: വലയിൽ മലമ്പാമ്പ് കുടുങ്ങിയതോടെ വലിയ നഷ്ടം നേരിട്ട് മത്സ്യത്തൊഴിലാളി വിനായകൻ. കഴിഞ്ഞദിവസം രാവിലെയാണ് സംഭവം. വല ഇളകുന്നത് കണ്ട് നോക്കിയപ്പോഴാണ് പാമ്പ് കുടുങ്ങിയതായി കണ്ടത്.

മലമ്പാമ്പിനെ ജീവനോടെ പുറത്തെടുക്കാൻ വല പൂർണമായും നശിപ്പിച്ചു. ഏകദേശം 50,000 രൂപയുടെ നാശനഷ്ടമാണ് ഉണ്ടായത്. വനംവകുപ്പിനെ വിവരം അറിയിച്ചതിനെ തുടർന്ന് പാമ്പിനെ അധികൃതർ കൊണ്ടുപോയി.