കൊച്ചി മെട്രോ സ്റ്റേഷനുകളിൽ വ്യാഴാഴ്ച കേക് ഫെസ്റ്റ്

കൊച്ചി: ക്രിസ്മസ്, പുതുവർഷ ആഘോഷത്തിന്റെ ഭാഗമായി കൊച്ചി മെട്രോ സ്റ്റേഷനുകളിൽ വ്യാഴാഴ്ച കേക്ക് ഫെസ്റ്റ് സംഘടിപ്പിക്കും. വൈറ്റില, കടവന്ത്ര, മഹാരാജാസ്, പാലാരിവട്ടം സ്റ്റേഷനുകളിൽ വ്യാഴാഴ്ച ഉച്ചയ്ക്ക് 12 മണി മുതൽ ഒരു മണി വരെയാണ് മത്സരം. മത്സരത്തിൽ പങ്കെടുക്കുന്നവർക്ക് അവർ നിർമ്മിച്ച കേക്കുകൾ മത്സര സമയത്ത് സ്റ്റേഷനുകളിൽ പ്രദർശിപ്പിക്കാം.

മത്സരത്തിന്റെ വിധി നിർണയത്തിനു ശേഷം കേക്കുകൾ വിൽപ്പനയ്ക്ക് വെയ്ക്കാം. ഏറ്റവും മികച്ച കേക്കിനുള്ള ഒന്നാം സമ്മാനം 5000 രൂപയും രണ്ടാം സമ്മാനം 3000 രൂപയുമാണ്. മൂന്നാം സമ്മാനം 2000 രൂപയാണ്. കൊച്ചി മെട്രോ ജവഹർലാൽ നെഹ്റു സ്റ്റേഡിയം സ്റ്റേഷനിൽ ക്രിസ്മസ് ആഘോഷത്തിന്റെ ഭാഗമായി ഇന്ന് സാന്താക്ലോസ് ഫാൻസിഡ്രസ് മൽസരം സംഘടിപ്പിച്ചിരുന്നു.