യുഎഇയിലെ പ്രമുഖ വ്യവസായിയും വിദ്യാഭ്യാസ സംരംഭകനും, നിരവധി കാരുണ്യ പദ്ധതികളുടെ അമരക്കാരനുമായ പി എ ഇബ്രാഹിം ഹാജിയുടെ മാരണത്തിൽ ഫോമാ അഗാധമായ ദുഃഖവും, അനുശോചനവും രേഖപ്പെടുത്തി.

ഇൻഡസ് വാഹന ഗ്രൂപ്പിന്റെ സ്ഥാപകനും, മലബാർ ഗോൾഡ് സ്വർണ്ണ വ്യാപാര ശൃംഖലയുടെ സഹാദ്ധ്യക്ഷനും, പേസ് വിദ്യാഭ്യാസ സ്ഥാപനങ്ങളുടെ ചെയർമാനും ആയ ശ്രീ പി.എ ഇബ്രാഹിം ഹാജിക്ക് ഫോമയുമായും ഫോമയുടെ ബിസിനിസ് ഫോറവുമായും അടുത്ത ബന്ധം ഉണ്ടായിരുന്നു. വിദ്യാഭാസ-വാണിജ്യ രംഗത്ത് ശ്രദ്ധേയമായ മാറ്റങ്ങൾ കൊണ്ട് വന്ന അദ്ദേഹത്തിന്റെ മരണം വ്യാവസായിക കേരളത്തിനും, പ്രവാസ ലോകത്തിനും, വലിയ നഷ്ടമാണ്.

അദ്ദേഹത്തിന്റെ മരണമൂലം കുടുംബത്തിനും, കേരളത്തിനും പ്രവാസിമലയാളികൾക്കും ഉണ്ടായ നഷ്ടത്തിലും, സങ്കടത്തിലും ഫോമയും പങ്കു ചേരുന്നവെന്ന് ഫോമാ പ്രസിഡന്റ് അനിയൻ ജോർജ്ജ്,ജനറൽ സെക്രട്ടറി ടി.ഉണ്ണികൃഷ്ണൻ, ട്രഷറർ തോമസ് ടി.ഉമ്മൻ, വൈസ് പ്രസിഡന്റ് പ്രദീപ് നായർ, ജോയിന്റ് സെക്രട്ടറി ജോസ് മണക്കാട്ട്, ജോയിന്റ് ട്രഷറർ ബിജു തോണിക്കടവിൽ എന്നവർ അനുശോചനക്കുറിപ്പിൽ അറിയിച്ചു.

 

ഫോമാ