നാഗചൈതന്യയിൽ നിന്ന് 50 കോടി രൂപ തട്ടിയെടുത്തെന്ന് ആരോപണം; കമന്റിട്ടവന് ചുട്ടമറുപടി നൽകി സാമന്ത

തെന്നിന്ത്യൻ താരങ്ങളായ സാമന്തയും നാഗചൈതന്യയും വിവാഹ മോചിതരായത് ഇന്ത്യൻ സിനിമാ ലോകത്ത് തന്നെ വലിയ ചർച്ചയായിരുന്നു. നാഗചൈതന്യയുമായുള്ള വിവാഹമോചനത്തിന് പിന്നാലെ നിരവധി അപവാദങ്ങളും ആരോപണങ്ങളും സാമന്തയ്ക്ക് നേരിടേണ്ടി വന്നു. നാഗചൈതന്യയിൽ നിന്ന് 50 കോടി രൂപ തട്ടിയെടുത്തെന്നായിരുന്നു സാമന്തയ്‌ക്കെതിരെ ഏറ്റവും ഒടുവിൽ ഉയർന്ന ആരോപണം. സോഷ്യൽ മീഡിയവഴിയാണ് ഒരാൾ സാമന്തയ്‌ക്കെതിരെ ആരോപണവുമായി രംഗത്ത് എത്തിയത്.

'ഒരു മാന്യനിൽ നിന്നും 50കോടി മോഷ്ടിച്ചു' എന്നായിരുന്നു ആരോപണം. നാഗചൈതന്യയിൽ നിന്നും സാമന്ത വിവാഹ മോചനം നേടിയതിനെ തുടർന്നാണ് ഇത്തരത്തിൽ ഒരു കമന്റ് പ്രത്യക്ഷപ്പെട്ടത്. സാധാരണ ഇത്തരം കമന്റുകൾ താരം അവഗണിക്കുകയാണ് പതിവ്. എന്നാൽ ഇത്തവണ വളരെ മൃദുവായ ഭാഷയിൽ സാമന്ത ഇങ്ങനെ മറുപടി നൽകി. 'ദൈവം നിങ്ങളുടെ ആത്മാവിനെ അനുഗ്രഹിക്കട്ടെ.' എന്നായിരുന്നു താരത്തിന്റെ മറുപടി. തുടർന്ന് കമന്റിട്ടയാൾ അത് ഡിലീറ്റ് ചെയ്തു. സാമന്തയുടെ മറുപടി ചർച്ചയാകുകയും ചെയ്തു. നിരവധി പേർ താരത്തെ പിന്തുണച്ച് പോസ്റ്റിനു താഴെ കമന്റ് ചെയ്തു.

സാമന്തയുടെ പുഷ്പയിലെ ഓ ആണ്ടവാ എന്ന ഗാനം അടുത്തിടെ തരംഗമായിരുന്നു. ആത്മവിശ്വാസത്തോടെയുള്ള സാമന്തയുടെ ലുക്കും ഏറെ പ്രശംസ നേടിയിരുന്നു. ഇതിനിടെയാണ് സോഷ്യൽ മീഡിയയിൽ ഒരാൾ താരത്തിനെതിരെ 50കോടി തട്ടിയെടുത്തെന്ന ആരോപണവുമായി രംഗത്ത് എത്തിയത്.