ദമാം: നവയുഗം സാംസ്കാരികവേദി കായികവേദി അവതരിപ്പിക്കുന്ന രണ്ടാമത് സഫിയ അജിത് മെമോറിയൽ (SAM) ക്രിക്കറ്റ് ടൂർണ്ണമെന്റ് 2022 ഫെബ്രുവരി 4 ന് നടക്കുമെന്ന് ഭാരവാഹികൾ അറിയിച്ചു.

അന്തരിച്ച നവയുഗം കേന്ദ്രകമ്മിറ്റി വൈസ് പ്രസിഡന്റും, പ്രശസ്ത ജീവകാരുണ്യ പ്രവർത്തകയുമായ സഫിയ അജിത്തിന്റെ ഓർമ്മയ്ക്കായി നടത്തി വരാറുള്ള ഈ ക്രിക്കറ്റ് ടൂർണ്ണമെന്റ്, ഇത്തവണ കോബാർ അസീസിയ SABSA ഗ്രൗണ്ടിൽ ആണ് അരങ്ങേറുക.8 ഓവർ മത്സരങ്ങൾ ആണ് ടൂർണ്ണമെന്റിൽ ഉണ്ടാകുക.

ടൂർണ്ണമെന്റ് വിജയികൾക്ക് ക്യാഷ് പ്രൈസ് ആയി 3333 റിയാലും, ട്രോഫിയുമാണ് സമ്മാനിക്കുക. റണ്ണർഅപ്പ് ആകുന്ന ടീമിന് ക്യാഷ് പ്രൈസ് ആയി 1777 റിയാലും, ട്രോഫിയും സമ്മാനിക്കും.മത്സരത്തിൽ പങ്കെടുക്കാൻ ആഗ്രഹിക്കുന്ന ടീമുകൾ ജനുവരി 10 ന് മുൻപ് പേര് രജിസ്റ്റർ ചെയ്യണം.

മത്സരത്തിൽ രജിസ്റ്റർ ചെയ്യാനും, കൂടുതൽ വിവരങ്ങൾക്കും സന്തോഷ് (0559899670), രചിൻചന്ദ്രൻ (0501973410), രാജ് കുമാർ (0568057392) എന്നിവരെ ബന്ധപ്പെടണമെന്ന് നവയുഗം കായികവേദി പ്രസിഡന്റ് തമ്പാൻ നടരാജനും, സെക്രട്ടറി പ്രിജി കൊല്ലവും അറിയിച്ചു.

നവയുഗം