വൃശ്ചിക വിളക്കിനിടെ തർക്കം; മകനെയും അച്ഛനെയും കുത്തിക്കൊലപ്പെടുത്താൻ ശ്രമിച്ച യുവാവ് പിടിയിൽ

കൊല്ലം: വൃശ്ചിക വിളക്കിനിടെ ഉണ്ടായ തകർക്കത്തിനിടെ അച്ഛനെയും മകനെയും കുത്തി കൊലപ്പെടുത്താൻ ശ്രമിച്ച യുവാവ് പിടിയിൽ. ഭക്തിഗാനത്തിന് പകരം സിനിമാഗാനം ഇടാൻ സമ്മതിക്കാതിരുന്നതിനാണ് തർക്കമുണ്ടായത്. പനയം ചോനംചിറ ബാബു ഭവനിൽ ബൈജു (37) ആണ് പിടിയിലായത്.

അഞ്ചാലുംമൂടിലാണ് സംഭവം. മകനെ ആക്രമണത്തിൽ നിന്ന് രക്ഷിക്കാൻ ശ്രമിക്കുന്നതിനിടെയാണ് പിതാവും ആക്രമണത്തിന് ഇരയായത്. വൃശ്ചികോത്സവത്തിനോടനുബന്ധിച്ച് കഞ്ഞിവീഴ്‌ത്ത് സദ്യ സ്ഥലത്താണ് ആക്രമണം നടത്തിയത്.

അഞ്ചാലുംമൂട് ഇൻസ്‌പെക്ടർ സി ദേവരാജന്റെ നേതൃത്വത്തിൽ സബ് ഇൻസ്‌പെക്ടർമാരായ ശ്യാം, ഹരികുമാർ, സിറാജുദ്ദീൻ, സിപിഒ സുനിൽ എന്നിവരടങ്ങിയ സംഘമാണ് യുവാവിനെ പിടികൂടിയത്.