സിംഗപ്പൂരിലെ ചെലവ് കുറഞ്ഞ വിമാനക്കമ്പനിയായ സ്‌കൂട്ട് എയർലൈൻ ഇന്ത്യയിലേക്കുള്ള പുതിയ വിമാന സർവിസുകൾ പ്രഖ്യപിച്ചു. നിലവിലുള്ള എയർ ബബിൾ യാത്രാ ക്രമീകരണത്തിന് കീഴിൽ വിമാനങ്ങൾ പ്രവർത്തിക്കും, കൂടാതെ മൊത്തം ആറ് ഇന്ത്യൻ നഗരങ്ങൾ ഇതിന്റെ ഭാഗമാകും.

ഡിസംബർ 28 മുതൽ ഇന്ത്യയ്ക്കും സിംഗപ്പൂരിനുമിടയിൽ സർവീസ് നടത്താനാണ് എയർലൈൻ തീരുമാനിച്ചിരിക്കുന്നത്.ഈ വിമാനങ്ങൾ വാക്‌സിനേറ്റഡ് ട്രാവൽ ലെയ്ൻ (വിടിഎൽ) കരാറിന്റെ ഭാഗമല്ലെന്ന് സൂചിപ്പിച്ചുകൊണ്ട് ട്രാവൽ ഏജന്റുമാർക്കും പങ്കാളികൾക്കും സ്‌കൂട്ട് ഇതിനകം സർക്കുലർ വിതരണം ചെയ്തിട്ടുണ്ട്.

ഈ ഫ്‌ളൈറ്റുകളിൽ യാത്ര ചെയ്യുന്ന എല്ലാ യാത്രക്കാരും എല്ലാ എൻട്രി നിയമങ്ങളും സിംഗപ്പൂർ സർക്കാർ പുറപ്പെടുവിച്ച ആരോഗ്യ മാർഗ്ഗനിർദ്ദേശങ്ങളും പാലിക്കേണ്ടതുണ്ട്. ഓമിക്റോണിന്റെ വ്യാപനത്തിന്റെ വെളിച്ചത്തിൽ, വരുന്ന എല്ലാ യാത്രക്കാരും രാജ്യത്ത് ഏഴ് ദിവസത്തെ ഹോം ക്വാറന്റൈനിൽ പോകേണ്ടതുണ്ട്.

കോയമ്പത്തൂർ, അമൃത്സർ, തിരുവനന്തപുരം, വിശാഖപട്ടണം, തിരുച്ചിറപ്പള്ളി, ഹൈദരാബാദ് തുടങ്ങിയ ചില പ്രധാന ഇന്ത്യൻ നഗരങ്ങളുമായി ബന്ധിപ്പിക്കുന്ന ചെലവ് കുറഞ്ഞ എയർലൈനാണ് സ്‌കൂട്ട്. കോയമ്പത്തൂർ, തിരുവനന്തപുരം, വിശാഖപട്ടണം എന്നിവ എയർലൈനിന്റെ പുതിയ കണക്ഷനുകളായിരിക്കും.

 

സ്‌കൂട്ട് എയർലൈൻ