കൊച്ചി: പ്രണയ ഗാനങ്ങൾ നെഞ്ചിലേറ്റുന്ന മലയാളികൾക്ക് മറ്റൊരാർദ്രഗീതമായി 'എൽ' ലെ ആദ്യ പ്രണയഗാനം റിലീസായി. യുവസംവിധായകൻ ഷോജി സെബാസ്റ്റ്യൻ ഒരുക്കുന്ന പുതിയ ചിത്രമാണ് 'എൽ'. പുറത്തിറങ്ങി മണിക്കൂറുകൾക്കകം ഈ പ്രണയഗാനം വൈറലായി കഴിഞ്ഞു.

ഹോളിവുഡ് ചിത്രങ്ങളുടെ നിലവാരത്തിൽ ഒരുക്കുന്ന മലയാളചിത്രമാണ് 'എൽ'. ത്രില്ലർ മൂവിയായ ഈ ചിത്രം ഏറെ നിഗൂഢതകൾ നിറഞ്ഞ സിനിമ കൂടിയാണ്. ശ്രദ്ധേയമായ ഈ ഗാനത്തിലൂടെ മലയാളത്തിൽ ഒരു ഗാനരചയിതാവും മറ്റൊരു സംഗീത സംവിധായകനും പിറവിയെടുക്കുകയാണ്. റോബിൻ ഡാനിയേൽ രചന നിർവ്വഹിച്ച ഈ ഗാനത്തിന് സംഗീതം നൽകിയിരിക്കുന്നത് ആൽബിൻ സെട്രിസാണ്.

ഇന്ത്യൻ വോയ്‌സ് വിന്നർ സെലിനും, ആൽബിൻ സെ ട്രിസുമാണ് ഗാനത്തിന് ശബ്ദം നൽകിയിരിക്കുന്നത്. സമീപകാലത്തിറങ്ങിയ പ്രണയ ഗാനങ്ങളിൽ നിന്നെല്ലാം ഏറെ ഹൃദയഹാരിയാണ് ഈ ഗാനമെന്നാണ് സംഗീതാസ്വാദകർ പറയുന്നു. 'എൽ' ന്റെ ചിത്രീകരണം ഇടുക്കിയിലും ഗോവയിലുമായി പൂർത്തിയായി വരുന്നു.

പോപ് മീഡിയ ബാനറിലാണ് ചിത്രം ഒരുങ്ങുന്നത്. കഥ, തിരക്കഥ, സംഭാഷണം- ഷെല്ലി ജോയ്, ഷോജി സെബാസ്റ്റ്യൻ, ക്യാമറ- അരുൺകുമാർ, പ്രൊജക്റ്റ് ഡിസൈൻ ആൻഡ് കളർ ഗ്രേഡിങ് - ബെൻ കാച്ചപ്പിള്ളി, എഡിറ്റർ-ഇബ്രു എഫ് എക്‌സ്, സംഗീതം- ആൽബിൻ സെട്രിസ്, ഗാനരചന-റോബിൻ ഡാനിയേൽ, സൗണ്ട് ഡിസൈൻ- ജൂഡ് റോബിൻസൺ, റീ റെക്കോർഡിങ്- നിനോയ് വർഗ്ഗീസ്, പ്രൊജക്റ്റ് ഹെഡ്- ജോയ്‌സ് തോന്ന്യാമല, മേക്കപ്പ്-കൃഷ്ണൻ, ആർട്ട്-ഷിബു, കോസ്റ്റ്യും ഡിസൈനർ- സുൽഫിയ മജീദ്, പി ആർ ഒ- പി ആർ സുമേരൻ, പോസ്റ്റർ ഡിസൈൻ- എസ് കെ ഡി ഡിസൈൻ ഫാക്ടറി.

എൽചിത്രംഷോജി സെബാസ്റ്റ്യൻ

മറുനാടന്‍ മലയാളി

    മറുനാടന്‍ മലയാളി ബ്യൂറോ