തൊടുപുഴ: പതിമൂന്നുകാരനെ പ്രകൃതിവിരുദ്ധ ലൈംഗിക പീഡനത്തിനു വിധേയനാക്കിയ കേസിൽ പ്രതിക്ക് 12 വർഷം കഠിനതടവും 55,000 രൂപ പിഴയും. കൊന്നത്തടി സ്വദേശി സോമനെ(65)യാണ് ശിക്ഷിച്ചത്. ഇടുക്കി ഫാസ്റ്റ് ട്രാക്ക് പ്രത്യേക കോടതി ജഡ്ജി ടി.ജി. വർഗീസിന്റേതാണ് വിധി. പോക്‌സോ നിയമപ്രകാരം 7 വർഷം കഠിനതടവും അരലക്ഷം രൂപ പിഴയും പ്രകൃതിവിരുദ്ധ ലൈംഗികപീഡനത്തിന് 5 വർഷം കഠിനതടവും 5,000 രൂപ പിഴയുമാണു ശിക്ഷ.

ശിക്ഷ ഒരേ കാലയളവിൽ അനുഭവിച്ചാൽ മതിയെന്നതിനാൽ തടവ് ഏഴ് വർഷമായി ചുരുങ്ങും. പിഴയടച്ചില്ലെങ്കിൽ 7 മാസം കൂടി തടവു ശിക്ഷ അനുഭവിക്കണം. ഇതിനു പുറമേ ജില്ലാ ലീഗൽ സർവീസസ് അഥോറിറ്റിയോട് അരലക്ഷം രൂപ നഷ്ടപരിഹാരം കുട്ടിക്ക് ലഭ്യമാക്കാൻ നടപടി സ്വീകരിക്കാനും കോടതി നിർദേശിച്ചു. പ്രോസിക്യൂഷനു വേണ്ടി സ്‌പെഷൽ പബ്ലിക് പ്രോസിക്യൂട്ടർ എസ്.എസ്. സനീഷ് ഹാജരായി.

13കാരന്പ്രകൃതി വിരുദ്ധ പീഡനം