മയക്കുമരുന്ന് പാക്കറ്റുകളുമായി ഒമാനിൽ നാലുപേർ പിടിയിൽ

മസ്‌കറ്റ്: ആയിരത്തിലധികം മയക്കുമരുന്ന് പാക്കറ്റുകളുമായി ഒമാനിലേക്ക് കടക്കാൻ ശ്രമിച്ച നാലുപേരെ റോയൽ ഒമാൻ പൊലീസ് അറസ്റ്റ് ചെയ്തു. 'ഖാട്ട്' എന്ന മയക്കുമരുന്നിന്റെ 1,709 പാക്കറ്റുകളാണ് പൊലീസ് പിടിച്ചെടുത്തത്.

ദോഫാർ ഗവർണറേറ്റ് തീരത്ത് നിന്നാണ് കോസ്റ്റ് ഗാർഡ് പൊലീസ് ഇവരെ പിടികൂടിയത്. പിടിയിലായവർക്കെതിരെ നിയമനടപടികൾ പൂർത്തിയാക്കി വരികയാണെന്ന് അധികൃതർ അറിയിച്ചു.