പന്ത്രണ്ട് വയസുകാരിയെ പ്രണയം നടിച്ച് പീഡിപ്പിക്കാൻ ശ്രമം; യുവാവ് അറസ്റ്റിൽ

കൂറ്റനാട്: പന്ത്രണ്ട് വയസ്സുകാരിയെ പ്രണയം നടിച്ച് ലോഡ്ജിലെത്തിച്ച് പീഡിപ്പിക്കാൻ ശ്രമിച്ച യുവാവ് അറസ്റ്റിൽ. കൂറ്റനാട് വാവന്നൂർ സ്വദേശി ശിഹാബ് (24) നെയാണ് ബാലുശേരി പൊലീസ് അറസ്റ്റ് ചെയ്തത്.

കോഴിക്കോട് സ്വദേശിനിയായ 12 വയസ്സുള്ള പെൺകുട്ടിയെ പ്രണയം നടിച്ച് വ്യാഴാഴ്ച കോഴിക്കോട്‌നിന്ന് എടപ്പാളിലെ ലോഡ്ജിലെത്തിച്ച് പീഡിപ്പിക്കാനായിരുന്നു ശ്രമം. ബാലുശേരി സിഐ സുരേഷിന്റെ നേതൃത്വത്തിൽ വെള്ളി രാവിലെ എടപ്പാളിലെ ലോഡ്ജിൽനിന്ന് പ്രതിയെ അറസ്റ്റ് ചെയ്തു. ശനിയാഴ്ച കോടതിയിൽ ഹാജരാക്കും.