തിരുവനന്തപുരത്ത് ബൈക്ക് അപകടത്തിൽ യുവാവ് മരിച്ചു

തിരുവനന്തപുരം: പെരുമാതുറ മാടൻവിള പാലത്തിനു സമീപം ബൈക്ക് അപകടത്തിൽ യുവാവ് മരിച്ചു. പെരുമാതുറ പുതുക്കുറിച്ചി തെരുവിൽ തൈവിളാകം വീട്ടിൽ ഷെഹിൻ (22) ആണ് മരിച്ചത്. വെള്ളിയാഴ്ച രാത്രി 7.30ന് നജാത്തുൽ ഇസ്ലാം മസ്ജിദിന് സമീപത്തായിരുന്നു അപകടം.

അമിത വേഗതയിൽ വന്ന ബൈക്ക് നിയന്ത്രണം വിട്ട് സമീപത്തെ പോസ്റ്റിലിടിക്കുകയായിരുന്നു. ഷെഹിന്റെ കൈവശമുണ്ടായിരുന്ന ബിയർ കുപ്പി ശരീരത്തിൽ തുളച്ചു കയറുകയായിരുന്നു. ഉടൻ ചിറയിൻകീഴ് താലൂക്ക് ആശുപത്രിയിൽ എത്തിച്ചു. തുടർന്ന് അവിടെനിന്നു തിരുവനന്തപുരം മെഡിക്കൽ കോളജ് ആശുപത്രിയിലേക്കു കൊണ്ടുപോകും വഴിയാണ് മരിച്ചത്.