മനുഷ്യന് ഹാനികരമാകുന്ന പദാർത്ഥങ്ങളുടെ പരസ്യങ്ങളിൽ നിന്ന് സെലിബ്രിറ്റികൾ പിന്മാറണമെന്ന് ആവശ്യപ്പെട്ട് ദേശീയ ശിശുക്ഷേമ സംഘടനയായ നാഷണൽ ചൈൽഡ് ഡെവലപ്പ്മെന്റ് കൗൺസിൽ പ്രമേയം പാസ്സാക്കി. സെലിബ്രിറ്റികൾ ജന ഹൃദയങ്ങളുടെ വിശ്വാസം നേടിയവരാണ്, അതുകൊണ്ട് തന്നെ അവരെ മാതൃക ആക്കാൻ ശ്രമിക്കുന്ന സമൂഹവുമാണ് നമുക്ക് ചുറ്റുമുള്ളത്. അതുകൊണ്ട് തന്നെ ഹാനികരമായ ഉത്പന്നങ്ങളുടെയും പുകയിലയുടെയും മദ്യത്തിന്റെയും ഉപയോഗം വർദ്ധിച്ചുവരുന്ന സാഹചര്യത്തിലാണ് ഇത്തരമൊരു ആവശ്യവുമായി സംഘടന രംഗത്തത്തെത്തിയത്.

എല്ലാ പ്രായത്തിലുമുള്ള പൊതുജനങ്ങളുടെയും മാതൃക ആവേണ്ട സെലിബ്രിറ്റികൾ ഇത്തരത്തിൽ പ്രവർത്തിച്ചാൽ കുട്ടികളടങ്ങുന്ന ആരാധകരെ അതിലേക്ക് നയിക്കും. ഈ കാര്യത്തിൽ അവർ തങ്ങളുടെ സാമൂഹിക പ്രതിബദ്ധത മറക്കുന്നുവെന്നും പ്രമേയത്തിൽ ചൂണ്ടിക്കാട്ടി. എൻസിഡിസി മാസ്റ്റർ ട്രെയ്‌നർ ബാബ അലക്‌സാണ്ടർ,റീജണൽ ഓഫീസ് അഡ്‌മിനിസ്‌ട്രേറ്റർ മുഹമ്മദ് റിസ്വാൻ, ഇവാലുവേഷൻ കോർഡിനേറ്റർ ആരതി. ഐ.സ്,പ്രോഗ്രാം കോർഡിനേറ്റർ ഡോ. ശ്രുതി ഗണേശ്, ഫ്രാക്കൽറ്റിമാരായ സ്മിത കൃഷ്ണകുമാർ, ബിന്ദു സരസ്വതി ഭായ്, സുധ മേനോൻ തുടങ്ങിയവരടങ്ങുന്ന ബോർഡാണ് പ്രമേയം പാസാക്കിയത്.

 

നാഷണൽ ചൈൽഡ് ഡെവലപ്പ്മെന്റ് കൗൺസിൽ