സെഞ്ചൂറിയനിലെ മിന്നും ജയം; പുതുവർഷം തകർത്താഘോഷിച്ച് ഇന്ത്യൻ ക്രിക്കറ്റ് താരങ്ങൾ; ടീമംഗങ്ങളുടെ ചിത്രം പങ്കുവച്ചു അശ്വിൻ
സെഞ്ചൂറിയൻ: സെഞ്ചൂറിയനിൽ ഒന്നാം ക്രിക്കറ്റ് ടെസ്റ്റിൽ മിന്നുന്ന ജയം സ്വന്തമാക്കിയ ടീം ഇന്ത്യയുടെ ആഘോഷങ്ങൾ തുടരുന്നു. പുതുവർഷം സെഞ്ചൂറിയനിൽ ഗംഭീരമായാണ് ഇന്ത്യൻ താരങ്ങൾ ആഘോഷിച്ചത്. സെഞ്ചൂറിയനിലെ ടീം ഹോട്ടലിൽ 2022ന്റെ പിറവി ആഘോഷിക്കുന്ന ടീമംഗങ്ങളുടെ ചിത്രം ഇന്ത്യൻ സ്പിന്നർ ആർ അശ്വിൻ ട്വീറ്റ് ചെയ്തു. ടീം ആരാധകർക്കു ആശംസ നേരാനും അശ്വിൻ മറന്നില്ല.
New year new hopes! Wish you all a happy and prosperous 2022. #HappyNewYear pic.twitter.com/cssKEpeePI
- Ashwin ???????? (@ashwinravi99) December 31, 2021
അശ്വിന്റെ ചിത്രം സമൂഹമാധ്യമങ്ങളിൽ വൈറലാണ്. ദക്ഷിണാഫ്രിക്കൻ പര്യടനത്തിനു പോയ ടീമിലെ എല്ലാ അംഗങ്ങളും ഹെഡ് കോച്ച് രാഹുൽ ദ്രാവിഡും ഉൾപ്പെട്ട ചിത്രത്തിന് ആരാധകരുടെ മനം കവരാനായി. സെഞ്ചൂറിയൻ ടെസ്റ്റിലെ ജയത്തിന്റെ സന്തോഷം പലരും കമന്റുകളായി പങ്കു വച്ചു. ഒന്നാം ടെസ്റ്റ് ഇന്ത്യ 113 റൺസിനു വിജയിച്ചിരുന്നു. ജനുവരി 3 തിങ്കളാഴ്ചയാണ് ഇന്ത്യയുടെ രണ്ടാം ടെസ്റ്റ് തുടങ്ങുന്നത്. ടെസ്റ്റ് വിജയിച്ചാൽ ദക്ഷിണാഫ്രിക്കയിൽ പരമ്പര വിജയമെന്ന അപൂർവ നേട്ടം ഇന്ത്യയെ കാത്തിരിക്കുന്നു
