പാലക്കാട്:പൊലീസിൽ ആർ.എസ്.എസ് സ്വാധീനം എന്ന സിപിഎം സെക്രട്ടറി കോടിയേരി ബാലകൃഷ്ണന്റെ പ്രസ്താവന ഇടത് സർക്കാരിന്റെയും സിപിഎമ്മിന്റെയും ബലഹീനതയാണ് കാണിക്കുന്നതെന്ന് വെൽഫെയർ പാർട്ടി സംസ്ഥാന ജനറൽ സെക്രട്ടറികെ.എ. ഷഫീഖ്.

പാലക്കാട് നടന്ന പഞ്ചായത്ത് യൂണിറ്റ് ഭാരവാഹികൾക്കുള്ള ജില്ലാ ക്യാമ്പ് ഉൽഘാടനം ചെയ്തു സംസാരിക്കുകയായിരുന്നു അദ്ദേഹം.സംഘ്പരിവാറിന്റെ പാതയിലാണ് കേരളത്തിലെ ഇടതുപക്ഷം സഞ്ചരിക്കുന്നതെന്നുംരാഷ്ട്രീയ ലാഭത്തിന് വേണ്ടി മത വിഭാഗങ്ങങ്ങൾക്കിടയിൽ ധ്രുവീകരണം സൃഷ്ടിക്കുന്ന പിണറായിയുടെ സമീപനങ്ങളും വികസനത്തിന്റെ പേരിൽ
കെ-റെയിൽ അടക്കമുള്ള കാര്യങ്ങൾ സംസ്ഥാനത്ത് സാമൂഹ്യ സാമ്പത്തിക പാരിസ്ഥിതിക
വിനാശമാണ് സൃഷ്ടിക്കുകയെന്നും,സാമൂഹിക നീതിയുടെയും സാഹോദര്യത്തിന്റെയും അടിത്തറയിലുള്ള നീതിയിലധിഷ്ഠിതമായ സാമൂഹിക സാഹചര്യവും അധികാരവും രൂപപ്പെടുത്താനാണ് വെൽഫെയർ പാർട്ടി ശ്രമിക്കുന്നത് എന്നും കെ.എ. ഷെഫീഖ് പറഞ്ഞു.
പരിപാടിയിൽജില്ലാ ജനറൽ സെക്രട്ടറി മോഹൻദാസ് പറളി സ്വാഗതവും, ജില്ലാ പ്രസിഡന്റ് പി.എസ്.അബുഫൈസൽ അധ്യക്ഷതയും വഹിച്ചു.

സംസ്ഥാന സെക്രട്ടറി എസ്.ഇർഷാദ് മുഖ്യപ്രഭാഷണം നിർവ്വഹിച്ചു സംസ്ഥാന കമ്മിറ്റി അംഗം എം.സുലൈമാൻ സമാപനവും , ജില്ലാ നേതാക്കളായ എ. ഉസ്മാൻ, ചന്ദ്രൻ പുതുക്കോട്, പി.ലുക്മാൻ, ആസിയ റസാഖ്, മജീദ്, കെ.വി.അമീർ, ഫ്രറ്റെണിറ്റി പ്രസിഡന്റ് എഫ്.ഫിറോസ് എന്നിവർ അഭിവാദ്യങ്ങൾ അർപ്പിച്ചു സംസാരിച്ചു.

വെൽഫെയർ പാർട്ടി