ദമ്മാമിൽ നവയുഗം പുതുവർഷ കലണ്ടർ പ്രകാശനം ദമ്മാം ചെയ്തു

ദമ്മാം: നവയുഗം സാംസ്കാരികവേദി പുറത്തിറക്കിയ 2022 ലെ കലണ്ടർ പ്രകാശനം ചെയ്തു.ദമ്മാം ബദർ അൽ റാബി ഹോസ്പിറ്റലിന്റെ സഹകരണത്തോടെയാണ് കലണ്ടർ പുറത്തിറക്കിയത്.

ബദർ അൽ റാബിയിൽ വെച്ച് നടന്ന ചടങ്ങിൽ വെച്ച് നവയുഗം കേന്ദ്രകമ്മിറ്റി ജനറൽ സെക്രട്ടറി വാഹിദ് കാര്യറ, ബദർ അൽറാബി അഡ്‌മിൻ മാനേജർ ഹബീബ് ഏലംകുളത്തിന് കലണ്ടർ കൈമാറി പ്രകാശനം ചെയ്തു.

നവയുഗം കേന്ദ്രകമ്മിറ്റി ആക്ടിങ് പ്രസിഡന്റ് മഞ്ജു മണിക്കുട്ടൻ, കേന്ദ്രരക്ഷാധികാരി ഷാജി മതിലകം, ട്രെഷറർ സാജൻ കണിയാപുരം, ജീവകാരുണ്യവിഭാഗം കൺവീനർ ഷിബുകുമാർ, ദമാം മേഖല സെക്രെട്ടറി നിസാം കൊല്ലം, കേന്ദ്രകമ്മിറ്റിയംഗം മണിക്കുട്ടൻ എന്നിവർ ചടങ്ങിൽ പങ്കെടുത്തു.