റോഡിൽ നിന്നും അബദ്ധത്തിൽ കാർ ഓടിച്ചു പോയത് ട്രാം ലൈനിലൂടെ; കാറിന്റെ പോക്ക് കണ്ട് അമ്പരന്ന് ട്രാം യാത്രക്കാർ: വീഡിയോ കാണാം

റോഡിൽ നിന്നും അബദ്ധത്തിൽ ഡ്രൈവർ കാർ തിരിച്ചത് ട്രാം ട്രാക്കിലേക്ക്. സംഭവം ശ്രദ്ധയിൽപ്പെടാതെ ഡ്രൈവർ കാർ ഓടിച്ചു പോകുകയും ചെയ്തു. ട്രാക്കിലൂടെയുള്ള കാറിന്റെ പോക്ക് കണ്ട് ട്രാമിൽ കയറാൻ സ്‌റ്റേഷനിലെത്തിയ യാത്രക്കാരും അമ്പരന്നു. ഇസ്താംപൂളിലെ ടോപ്കാപ്പി സ്റ്റേഷനിലൂടെയാണ് കാർ ഡ്രൈവറുടെ യാത്ര.

ട്രാം ട്രാക്കിലൂടെ കാർ ഡ്രൈവർ വേഗത്തിൽ വാഹനം ഓടിച്ചു പോകുന്നതിന്റെ ദൃശ്യങ്ങളും പുറത്ത് വന്നു. കാറിന്റെ പോക്ക് കണ്ട് അമ്പരന്ന് യാത്രക്കാർ തിരിഞ്ഞു നോക്കുന്നതും കാണാം. ഭാഗ്യത്തിന് ആർക്കും പരിക്ക് പറ്റിയിട്ടില്ല. ഡിസംബർ 30നാണ് അപകടം പിടിച്ച സംഭവം നടന്നത്. ഒടുവിൽ പ്ലാറ്റ്‌ഫോമിൽ കാർ നിർത്തിയിടുകയും ചെയ്തു. തുടർന്ന് യാത്രക്കാർ പൊലീസിനെയും ഫയർ ബ്രിഗേഡ്‌സിനേയും വിവരം അറിയിക്കുകയും കാർ വലിച്ചു മാറ്റുകയും ആയിരുന്നു.