തീർത്ഥാടന ഡ്യൂട്ടിക്ക് മദ്യപിച്ചെത്തിയ സംഭവം; പൊലീസ് ഉദ്യോഗസ്ഥന് സസ്‌പെൻഷൻ: പൊലീസുകാരനെ സസ്‌പെൻഡ് ചെയ്തത് മദ്യപിച്ച് ഡ്യൂട്ടി ചെയ്യുന്നതിന്റെ വീഡിയോ വൈറലായതിന് പിന്നാലെ

കോട്ടയം: തീർത്ഥാടന സ്‌പെഷൽ ഡ്യൂട്ടിക്കായി എരുമേലിയിൽ മദ്യപിച്ച് എത്തിയ പൊലീസുകാരനെ സസ്‌പെൻഡ് ചെയ്തു. മദ്യപിച്ച് എരുമേലിയിലെ മണ്ഡലമകര വിളക്ക് ഡ്യൂട്ടിക്ക് എത്തിയ സിവിൽ പൊലീസ് ഓഫിസർ എസ്. ശ്രീനാഥിനെയാണ് ജില്ലാ പൊലീസ് മേധാവി ഡി.ശിൽപ സസ്‌പെൻഡ് ചെയ്തത്. ഏറ്റുമാനൂർ സ്റ്റേഷനിലെ സിപിഒയാണ് ശ്രീനാഥ്. ചൊവ്വാഴ്ചയാണ് സംഭവം. മദ്യപിച്ച് റോഡിൽ ഡ്യൂട്ടിക്കായി നിൽക്കുന്ന പൊലീസുകാരന്റെ ദൃശ്യങ്ങൾ സമൂഹ മാധ്യമങ്ങളിൽ അടക്കം പ്രചരിച്ചിരുന്നു.