ഫെബ്രുവരി 14 മുതൽ, 18 വയസും അതിൽ കൂടുതലുമുള്ളവർ പ്രാഥമിക വാക്സിനേഷൻ സീരീസ് പൂർത്തിയാക്കി 270 ദിവസത്തിനുള്ളിൽ ബൂസ്റ്റർ ഷോട്ട് എടുക്കാൻ ആരോഗ്യ മന്ത്രാലയം നിർദ്ദേശിച്ചു.കഴിഞ്ഞ വർഷം മെയ് 20-നോ അതിനുമുമ്പോ അവസാന വാക്‌സിൻ ഡോസ് എടുത്തവർക്ക് പുതിയ നിയമം ബാധകമാകുമെന്ന് ആരോഗ്യമന്ത്രി അറിയിച്ചു.

അതായത് ഒരു വ്യക്തിയുടെ പ്രാഥമിക വാക്സിനേഷൻ സീരീസിന്റെ അവസാന ഡോസ് കഴിഞ്ഞ് ഒമ്പത് മാസത്തിന് ശേഷം ബൂസ്റ്റർ സ്വീകരിച്ചിട്ടില്ലെങ്കിൽ പൂർണ്ണമായും വാക്സിനേഷൻ എടുത്ത അവസ്ഥ ഇല്ലാതാകും. സിംഗപ്പൂരിൽ ഇപ്പോൾ ഓമിക്രോൺ വ്യാപനം അതിശക്തമായിരിക്കുകയാണ്.ഒരു ദിവസം 15,000 കേസുകൾ എന്ന തലത്തിലേക്കാണ് ഇപ്പോൾ എത്തിയിരിക്കുകയാണ്.

ഇതുവരെ ഒമ്പത് മാസത്തെ കാലാവധി കഴിഞ്ഞിട്ടില്ലാത്തവരെയോ ബൂസ്റ്ററുകൾക്ക് മെഡിക്കൽ യോഗ്യതയില്ലാത്തവരെയോ പുതിയ നിയമം ബാധിക്കില്ല.സിനോവാക് അല്ലെങ്കിൽ സിനോഫാം വാക്സിൻ രണ്ട് ഡോസും മൂന്നാമത്തെ ഷോട്ടിന് എംആർഎൻഎ വാക്സിനും ലഭിച്ചവർ അഞ്ച് മാസത്തിന് ശേഷം നാലാമത്തെ ബൂസ്റ്റർ ഷോട്ടായി എംആർഎൻഎ വാക്സിൻ എടുക്കണമെന്ന് വിദഗ്ധ സമിതി ബുധനാഴ്ച ശുപാർശ ചെയ്തു.

നിലവിൽ, അവരുടെ അവസാന ഡോസ് കഴിഞ്ഞ് അഞ്ച് മാസത്തിന് ശേഷം അവരുടെ ബൂസ്റ്റർ ജാബ് സ്വീകരിക്കാവുന്നതാണ്.

 

ബൂസ്റ്റർ ജാബ്