ഷാർജയിൽ മലയാളി യുവാവ് കുഴഞ്ഞുവീണ് മരിച്ചു; സൂപ്പർമാർക്കറ്റ് ഉടമയായിരുന്ന കാസർഗോഡ് സ്വദേശിയുടെ മരണം ഹൃദയാഘാതം മൂലം

ഷാർജയിൽ മലയാളി യുവാവ് കുഴഞ്ഞുവീണ് മരിച്ചു.കാസർകോഡ് ബേക്കൽ ഹദ്ദാദ് നഗറിൽ സുബൈർ (36) ആണ് മരിച്ചത്. തിങ്കളാഴ്ച രാവിലെ കടയിൽ കുഴഞ്ഞുവീണ അദ്ദേഹത്തെ ഉടൻ തന്നെ ആശുപത്രിയിൽ എത്തിച്ചെങ്കിലും ജീവൻ രക്ഷിക്കാനായില്ല. ഹൃദയാഘാതമാണ് മരണ കാരണമായതെന്നാണ് നിഗമനം.

യുഎഇയിലെ ഇംതാസ്, ലിമാറ, നിബ്രാസ് മദീന എന്നീ സൂപ്പർമാർക്കറ്റുകളുടെ പാർട്ണർ ആയിരുന്നു. സുബൈർ ഒരു വർഷം മുമ്പാണ് അവസാനമായി നാട്ടിൽ പോയി വന്നത്. പരേതനായ ബിജാപൂർ മൊയ്തീൻ - ഖദീജ ദമ്പതികളുടെ മകനാണ്. ഭാര്യ - മഹ്‌സിൻ. നാല് മാസം പ്രായമുള്ള കുട്ടിയുണ്ട്. മറ്റു മക്കൾ - ശിസാന്, ശഹ്‌സിയ. സഹോദരങ്ങൾ - യർമു, ഹംസ, മുനീർ, സഫിയ, പരേതയായ ബീഫാത്വിമ.