സസ്‌കാച്ചെവൻ ഉൾപ്പെടെ രാജ്യത്തുടനീളം കേസുകളുടെ എണ്ണം ഉയരുന്നുണ്ടെങ്കിലും പ്രവിശ്യാ സർക്കാർ കൂടുതൽ നിയന്ത്രണങ്ങളൊന്നും ഏർപ്പെടുത്തിയിട്ടില്ല. പ്രധാന നിർദ്ദേശമായി എല്ലാവരോടും പുറത്തു മാത്രമല്ല അകത്തും മാസ്‌ക് ഉപയോഗിക്കണമെന്ന് മാത്രമാണ് അറിയിച്ചത്. ഫെബ്രുവരി അവസാനം വരെയാണ് ഈ ഉത്തരവിന് പ്രാബല്യം.

ഇതോടൊപ്പം കോവിഡിന്റെ നേരിയ ലക്ഷണങ്ങളുള്ളവർ നിർബന്ധമായും സ്വയം ഒറ്റപ്പെടുകയും വേണം. വാക്സിനേഷൻ തെളിവുകളോ നെഗറ്റീവ് ടെസ്റ്റ് ഫലമോ കൈയിലുണ്ടായി രിക്കുകയും വേണം. ഇൻഡോർ ഒത്തുചേരൽ പരിധികളോ നിയന്ത്രണങ്ങളോ നടപ്പാക്കാത്ത ഏക പ്രവിശ്യയാണിത്.

ചുമ, തൊണ്ടവേദന, പനി, തുമ്മൽ, ജലദോഷം എന്നിവ പോലുള്ള ലക്ഷണങ്ങളുള്ളവർ ആരോഗ്യ അഥോറിറ്റിയുടെ പരിശോധനാ ശേഷിയിൽ സമ്മർദ്ദം ചെലുത്തുന്നതിനാൽ പി സി ആർ പരിശോധന നടത്തരുതെന്നും പ്രവിശ്യ ശുപാർശ ചെയ്യുന്നു. പകരം ആളുകൾ വീട്ടിൽ തന്നെ തുടരണമെന്നും ദ്രുത ആന്റിജൻ പരിശോധനയും സ്വയം ഒറ്റപ്പെടലും നിർവഹിക്കണമെന്നും പ്രവിശ്യാ അധികാരികൾ അറിയിച്ചു

സസ്‌കാച്ചെവൻ