അമ്മയും കുഞ്ഞും തമ്മിലുള്ള സ്‌നേഹബന്ധത്തിന്റെ നേർക്കാഴ്‌ച്ചയൊരുക്കി കണ്ണുയിരേ; അയർലണ്ടിലെ നീനയിൽ ചിത്രീകരിച്ച താരാട്ടു പാട്ട് ശ്രദ്ധ നേടുന്നു
നീനാ (കൗണ്ടി ടിപ്പററി ):സ്‌നേഹം,അതിന് തന്നെ ഒരുപാട് ഭാവങ്ങളും അർത്ഥതലങ്ങളും .എങ്കിലും സ്‌നേഹത്തിന്റെ അദൃശ്യമായ സ്വർണ്ണ നൂലിനാൽ നെയ്‌തെടുത്ത ഏറ്റവും പവിത്രമായ ബന്ധം ഒരു 'അമ്മയും കുഞ്ഞും'തമ്മിലുള്ളത് തന്നെ .ആ സ്‌നേഹത്തണലിൻ മുൻപിൽ ഭൂമി തന്നെ സ്വർഗമായി മാറുന്നു.അമ്മയുടെ സ്‌നേഹത്തിന്റെ ആ ഓർമ്മകൾ പോലും ഒരു സുരക്ഷാ കവചമാണ് എന്നും എപ്പോഴും.
ഈ കോവിഡ് പശ്ചാത്തലത്തിൽ ബന്ധങ്ങളുടെ ആഴത്തെ അനുഭവവേദ്യമാക്കുന്ന മനോഹരഗാനമാണ് കണ്ണുയിരേ...പൂമുത്തോളെ (ചിത്രം. ജോസഫ് )യ്ക്ക് ശേഷം അജീഷ് ദാസൻ എഴുതിയ അതിമനോഹരമായ വരികൾക്ക് ബിബിൻ ബാബു കെ. സംഗീത സംവിധാനം നിർവഹിച്ചു നിത്യ ബാലഗോപാൽ ആലപിച്ച മനോഹര ഗാനം .
ചെമ്പകമേ(ആൽബം-ചെമ്പകമേ )മുത്തേ മുത്തേ (ചിത്രം-കാണാകണ്മണി )എന്നീ സൂപ്പർഹിറ്റ് ഗാനങ്ങളുടെ സംഗീതസംവിധായകൻ ശ്യാം ധർമൻ പ്രോഗ്രാം ചെയ്ത മനോഹര ഗാനമാണ് കണ്ണുയിരേ.പൂർണ്ണമായും അയർലണ്ടിലെ നീനയിൽ ചിത്രീകരണം നടത്തിയിരിക്കുന്ന ഈ ഗാനം സംവിധാനം ചെയ്തിരിക്കുന്നത് അനീഷ് കൃഷ്ണനാണ്.
സഞ്ജു ബെൻ ,ഏയ്ഞ്ചൽ വിമൽ ,മാസ്റ്റർ നോഹ ജിജി എന്നിവരാണ് ഗാനരംഗങ്ങളിൽ അഭിനയിച്ചിരിക്കുന്നത് .
