വെസ്റ്റേൺ ഓസ്‌ട്രേലിയയിൽ വീണ്ടും മാസ്‌ക് തിരികെയെത്തി; പെർത്തിലും പീലിലുമടക്കം പൊതുസ്ഥലങ്ങളിൽ മാസ്‌ക് നിർബന്ധം
നേരത്തെ പ്രഖ്യാപിച്ച രണ്ട് കേസുകൾക്ക് പുറമേ മൂന്ന് പുതിയ പ്രാദേശിക കേസുകൾ കൂടി രേഖപ്പെടുത്തിയതായി പ്രീമിയർ മാർക്ക് മക്ഗോവൻ വെളിപ്പെടുത്തിയതിന് പിന്നാലെ പെർത്തിലെയും പീലിലെയും എല്ലാ ഇൻഡോർ പൊതു ഇടങ്ങളിലും മാസ്‌ക് നിർബന്ധം ആക്കി.
പെർത്തിലെയും പീൽ മേഖലയിലെയും എല്ലാ ഇൻഡോർ പൊതു സ്ഥലങ്ങളിലും ഞായറാഴ്ച വൈകുന്നേരം മുതൽ മാസ്‌കുകൾ ആവശ്യമാണ്, എന്നാൽ വീട്ടിൽ ധരിക്കേണ്ട ആവശ്യമില്ല.നിലവിൽ,വെസ്റ്റേൺ ഓസ്‌ട്രേലിയയിൽ 81 ഒമിക്രോണുകൾ കേസുകൾ ഉണ്ട്.പടിഞ്ഞാറൻ ഓസ്ട്രേലിയയിലെ സജീവമായ കോവിഡ് കേസുകളുടെ എണ്ണം 112 ആണ്, 34 ഹോട്ടൽ ക്വാറന്റൈനിലും 78 സെൽഫ് ക്വാറന്റൈനിലുമാണ്.
വീടുകളിൽ ഉള്ളവർ വൈകല്യമുള്ളവർ, ഇൻഡോർ വ്യായാമം ചെയ്യുന്നവർ, പ്രൈമറി സ്‌കൂളിലോ അതിനു താഴെയുള്ള കുട്ടികൾക്കോ എന്നിവർ മാസ്‌ക് നിർബന്ധമാക്കിയിട്ടില്ല.പ്രതിരോധ കുത്തിവയ്പ് എടുക്കാത്ത വെസ്റ്റ് ഓസ്ട്രേലിയക്കാർ അതിർത്തികൾ തുറക്കാൻ തയ്യാറെടുക്കുന്നതിനാൽ ഷോപ്പുകളിൽ പ്രവേശിക്കുന്നതും ഫാസ്റ്റ് ഫുഡ് റെസ്റ്റോറന്റുകളിൽ ഭക്ഷണം കഴിക്കുന്നതും നിരോധിക്കും.ഫെബ്രുവരി 5 ന് നടക്കുന്ന അതിർത്തി തുറക്കലിന് മുന്നോടിയായി ജനുവരി 31 മുതൽ നിയന്ത്രണങ്ങൾ പ്രാബല്യത്തിൽ വരും.
