ചാത്തന്നൂർ: എട്ടു വയസ്സുകാരിയായ പെൺകുട്ടിയെ പീഡിപ്പിച്ച വയോധികനെ പൊലീസ് അറസ്റ്റ് ചെയ്തു. കല്ലുവാതുക്കൽ നടയ്ക്കൽ ഉദയഭവനിൽ ഗോപിനാഥക്കുറുപ്പ് (75) ആണ് പിടിയിലായത്. പെൺകുട്ടിയുടെ അമ്മയുടെ പരാതിയിൽ പാരിപ്പള്ളി പൊലീസ് ഇയാളെ അറസ്റ്റ് ചെയ്യുകയായിരുന്നു.

എട്ടുവയസ്സുകാരി പെൺകുട്ടിയെ പരിചയംനടിച്ച് കടന്നുപിടിച്ച് പീഡിപ്പിക്കുകയായിരുന്നു. സംഭവത്തെക്കുറിച്ച് പെൺകുട്ടി അമ്മയോട് പറഞ്ഞതോടെയാണ് സംഭവം പുറം ലോകം അറിയുന്നത്. തുടർന്ന് പൊലീസിൽ പരാതിനൽകി. വൈദ്യപരിശോധനയിൽ പെൺകുട്ടി അതിക്രമത്തിന് ഇരയായതായി തെളിഞ്ഞു.

പാരിപ്പള്ളി ഇൻസ്പെക്ടർ എ.അൽജബ്ബാറിന്റെ നേതൃത്വത്തിൽ പ്രതിയെ വീട്ടിൽനിന്നു പിടികൂടുകയായിരുന്നു. കോടതിയിൽ ഹാജരാക്കിയ പ്രതിയെ റിമാൻഡ് ചെയ്തു.

 

 

എട്ടു വയസ്സുകാരിപീഡിപ്പിച്ചു; 75കാരൻ അറസ്റ്റിൽ