കൊച്ചി : ഇന്ത്യയിലെ ഏറ്റവും വലിയ ഓൺലൈൻ സ്‌കൂൾ ക്വിസായ 'ദ ക്ലാസ് ആക്ടി' ന് ജനുവരി 23ന് തുടക്കമാവും. ഇന്ത്യയിലുടനീളം ഒന്നു മുതൽ 12 വരെയുള്ള വിദ്യാർത്ഥികൾക്ക് ക്വിസിൽ പങ്കെടുക്കാവുന്നതാണ്. വിവിധ പൊതുവിഷയങ്ങളെ അടിസ്ഥാനമാക്കി നടക്കുന്ന ക്വിസിന്റെ ഗ്രാന്റ് ഫിനാലെ റിപ്പബ്ലിക് ദിനത്തിൽ നടക്കും. ദി ക്വിസ് ഫൗണ്ടേഷൻ ഓഫ് ഇന്ത്യയുടെ സ്ഥാപക അംഗവമായ ഡോ. നവീൻ ജയകുമാർ, എച്ച് ടി ലാബ്സ് സിഇഒ അവിനാഷ് മുദലിയാർ തുടങ്ങിയവർ ക്വിസ് മാസ്റ്റർമാരായെത്തും. രജിസ്ട്രേഷൻ ജനുവരി 23ന് രാവിലെ 10 മണിക്ക് അവസാനിക്കും.
ഒരു സ്‌കൂളിൽ നിന്ന് എത്ര വിദ്യാർത്ഥികൾക്ക് വേണമെങ്കിലും പങ്കെടുക്കാം. പങ്കെടുക്കാൻ ആഗ്രഹിക്കുന്ന വിദ്യാർത്ഥികൾക്ക് രജിസ്ട്രേഷൻ സൗജന്യമാണ്. ഓൺലൈൻ രജിസ്ട്രേഷൻ ഫോം htschool.hindustantimes.com/the-classact-republicday-quiz/ എന്ന ലിങ്കിൽ ലഭിക്കുന്നതാണ്. ക്വിസുമായി ബന്ധപ്പെട്ട അറിയിപ്പുകൾ രജിസ്റ്റർ ചെയ്ത മൊബൈൽ നമ്പറിലോ ഈ മെയിൽ ഐഡിയിലോ അറിയിക്കും.
പ്രിലിംസ്, ഫൈനൽ എന്നീ രണ്ട് റൗണ്ടുകളിൽ ജൂനിയർ (1-5 ക്ലാസ്), സീനിയർ (6-12 ക്ലാസ്്) വിഭാഗങ്ങളിലായാണ് ക്വിസ് നടക്കുക. ക്വിസ്സിസ് പ്ലാറ്റ്ഫോമിൽ നടക്കുന്ന പ്രിലിംസ് 23ന് 11 മണിക്ക് നടക്കും. ഇതിന്റെ ലിങ്ക് വിദ്യാർത്ഥികൾക്ക് മെയിലായി ലഭിക്കും. 11 മുതൽ 11.45 വരെ നിശ്ചിത സമയത്തേക്ക് മാത്രമാണ് ലിങ്ക് സജ്ജീവമായിരിക്കുക. പ്രിലിംസിലെ മാർക്കിന്റെ അടിസ്ഥാനത്തിൽ മികച്ച 100 സീനിയർ വിദ്യാർത്ഥികൾക്കാണ് ഫൈനലിൽ പങ്കെടുക്കാൻ അവസരം ലഭിക്കുക. ജൂനിയർ വിഭാഗത്തിൽ മികച്ച 20 വിദ്യാർത്ഥികൾക്ക് ആമസോണിന്റെ വൗച്ചറുകൾ ലഭിക്കും. ക്വിസ് മാസ്റ്റർമാരുടെ വിധി അന്തിമമായിരിക്കും. തെരഞ്ഞെടുക്കപ്പെട്ട ഫൈനലിസ്റ്റുകൾക്ക് ക്വിസ് മാസ്റ്റർമാരോട് സംവദിക്കാനവസരം ലഭിക്കും. ഹിന്ദുസ്ഥാൻെൈ ടംസ് സംഘടിപ്പുന്ന ഓൺലൈൻ ക്വിസ്സിൽ 1.25 ലക്ഷം രൂപയുടെ ആമസോൺ വൗച്ചറുകളും ഹിന്ദുസ്ഥാൻ ടൈംസിന്റെ പങ്കാളിത്ത സർട്ടിഫിക്കറ്റും ലഭിക്കുന്നതാണ്.
ക്വിസ് എന്നത് ഒരു കായിക വിനോദമാണ്. ഐക്യു പരീക്ഷിക്കുന്നതിനു വേണ്ടിയല്ല എന്ന് ഡോ. നവീൻ ജയകുമാർ പറയുന്നു. ഇത് പ്രായോഗികമായി ഉപയോഗമുള്ളതോ അല്ലാത്തതോ ആയ, എല്ലായപ്പോഴും രസകമായ അറിവുകളുടെ ശകലങ്ങളുള്ള കായികവിനോദമാണ്. എല്ലാ കായികവിനോദങ്ങളും പോലെ ഇതും പരിശീലനത്തിലൂടെ മികച്ചതാക്കി മാറ്റാമെന്നും അദ്ദേഹം പറയുന്നു.
