ജിദ്ദ: പൊന്മള പഞ്ചായത്ത് കെ എം സി സിയുടെ ആഭിമുഖ്യത്തിൽ മുസ്ലിം ലീഗ് നേതാവായിരുന്ന സയ്യിദ് അബ്ദുറഹ്‌മാൻ ബാഫഖി തങ്ങൾ അനുസ്മരണവും യാത്രയയ്‌പ്പും സംഘടിപ്പിച്ചു. ബഗ്ദാദിയ്യ ഇംപീരിയൽ ഓഡിറ്റോറിയത്തിൽ വെച്ച് നടന്ന പരിപാടി സൗദി നാഷണൽ കെ എം സി സി സെക്രട്ടറിയേറ്റ് അംഗം നാസർ വെളിയങ്കോട് ഉദ്ഘാടനം ചെയ്തു. പൊന്മള പഞ്ചായത്ത് കെ എം സി സി പ്രസിഡന്റ് ടി.ടി ഷാജഹാൻ അദ്ധ്യക്ഷത വഹിച്ചു. മലപ്പുറം ജില്ല കെ എം സി സി വൈസ് പ്രസിഡന്റ് വി.പി ഉനൈസ് ബാഫഖി തങ്ങൾ അനുസ്മരണ പ്രഭാഷണം നടത്തി.

ഇതോടൊപ്പം പ്രവാസം അവസാനിപ്പിച്ച് നാട്ടിലേയ്ക്ക് പോകുന്ന പൊന്മള പഞ്ചായത്ത് കെ എം സി സി സെക്രട്ടറി വടക്കൻ നൗഷാദലിക്ക് യാത്രയപ്പും നൽകി. ജിദ്ദ കെ എം സി സി കോട്ടക്കൽ മണ്ഡലം ജനറൽ സെക്രട്ടറി നാണി ഇസ്ഹാഖ് മാസ്റ്റർ പഞ്ചായത്ത് കെഎംസിസി വക മെമെന്റൊ നൗഷാദലിക്ക് സമ്മാനിച്ചു. കെഎംസിസി സെൻട്രൽ കമ്മിറ്റി മെഡിക്കൽ വിങ് ചെയർമാൻ മാനു പട്ടിക്കാട്, കോട്ടക്കൽ മണ്ഡലം കെഎംസിസി സെക്രട്ടറി ടി. കെ അൻവർ സാദത്ത് കുറ്റിപ്പുറം, മലപ്പുറം മുൻസിപ്പൽ കെഎംസിസി പ്രസിഡന്റ് സാബിർ പാണക്കാട്, മൂസപ്പ പൂവ്വല്ലൂർ, മുബശീർ കാവതികളം തുടങ്ങിയവർ യാത്രാമംഗളം നേർന്ന് സംസാരിച്ചു. നൗഷാദലി വടക്കൻ മറുപടി പ്രസംഗം നടത്തി.

പൊന്മള പഞ്ചായത്ത് കെഎംസിസി ജനറൽ സെക്രട്ടറി മുഹമ്മദ് റാസിൽ ഒളകര സ്വാഗതവും ഹനീഫ വടക്കൻ നന്ദിയും പറഞ്ഞു. ഹബീബ് ആറു വീട്ടിൽ, ബാബു നരിമട, മഹ്‌റൂഫ് ചാപ്പനങ്ങാടി, അൻവർ തുടങ്ങിയവർ പരിപാടിയിൽ സംബന്ധിച്ചു.

 

സയ്യിദ് അബ്ദുറഹ്‌മാൻ ബാഫഖി