മലപ്പുറം: പശ്ചിമ ബംഗാളിൽ നിന്നും കാണാതായ പ്രായപൂർത്തിയാകാത്ത പെൺകുട്ടിയെ മലപ്പുറത്ത് കണ്ടെത്തി. വാഴക്കാട് വാടക ക്വാർട്ടേഴ്‌സിൽ യുവാവിനൊപ്പം താമസിച്ചിരുന്ന 16 വയസുകാരിയെയാണ് ജില്ലാ ചൈൽഡ് ലൈനും പൊലീസും ചേർന്ന് കണ്ടെത്തിയത്.

ഒരു മാസം ഗർഭിണിയായ കുട്ടിയെ ശിശുക്ഷേമ സമിതിയുടെ സംരക്ഷണ കേന്ദ്രത്തിലേക്ക് മാറ്റി. പെൺകുട്ടിയെ കാണാനില്ലെന്ന് കാണിച്ച് മാതാപിതാക്കൾ ബംഗാൾ പൊലീസിൽ പരാതി നൽകിയിരുന്നു.

നാഷണൽ ചൈൽഡ് റൈറ്റ്‌സ് കമ്മീഷനിൽ നിന്നും വിവരം ലഭിച്ച് മൂന്ന് മണിക്കൂറിനുള്ളിൽ പെൺകുട്ടിയുടെ താമസസ്ഥലം പൊലീസ് കണ്ടെത്തുകയായിരുന്നു. ഒപ്പം താമസിച്ചിരുന്ന യുവാവിനെ പൊലീസ് കസ്റ്റഡിയിലെടുത്തിട്ടുണ്ട്.