ബേബി ജോൺ സാംസ്‌കാരിക വേദി ഖത്തർ യൂണിറ്റിന്റെ ആഭിമുഖ്യത്തിൽ മോഡേൺ ആർട്‌സിൽ നടന്ന ബേബി ജോൺ അനുസ്മരണം കെ.എം.സി.സി ഖത്തർ വൈസ് പ്രസിഡന്റ് ജാഫർ തയ്യിൽ ഉദ്ഘാടനം ചെയ്തു .കേരളത്തിലെ ജനങ്ങളുമായി , പ്രത്യേകിച്ച് തെക്കൻ കേരളത്തിലെയും , തീരദേശ മേഖലയിലെയും ജനങ്ങളുമായി വൈകാരിക ബന്ധം കാത്തു സൂക്ഷിച്ച ഭരണാധികാരി ആയിരിന്നു മുൻ മന്ത്രി ബേബി ജോൺ എന്ന് ജാഫർ തയ്യിൽ അനുസ്മരിച്ചു .

സമൂഹിക പ്രവർത്തകൻ ജോഷി കൊടുങ്ങലൂർ , ഇൻകാസ് ഖത്തർ കൊല്ലം ജില്ലാ വൈസ് പ്രസിഡന്റ് ഹാഷിം അപ്‌സര തുടങ്ങിയവർ മുഖ്യ പ്രഭാഷണം നടത്തി .മുൻ ആർ വൈ എഫ് നേതാവും ബേബി ജോൺ സാംസ്‌കാരിക വേദി ഖത്തർ യൂണിറ്റിന്റെ ചെയർമാനും കൂടിയായ സാബു കല്ലുമൂട് അധ്യക്ഷത വഹിച്ചു .അനുസ്മരണത്തിന്റെ ഭാഗമായി മുൻകൂട്ടി തീരുമാനിച്ച പ്രകാരം വ്യവസായി ഫൈസൽ സ്‌പോൺസർ ചെയ്ത ഭക്ഷ്യ സാധനങ്ങൾ 43 തൊഴിലാളികൾക്ക് വിതരണം ചെയ്തു .നിയാസ് സാലി കരുനാഗപ്പള്ളി സ്വാഗതവും , അൻവർ പേരാമ്പ്ര നന്ദിയും പറഞ്ഞു .

ബിൻഷാദ് , സുഹൈർ , നൗഫൽ, റിയാസ് , സാബു കല്ലുമൂട് എന്നിവരുടെ നേതൃത്വത്തിൽ ആണ് പരുപാടി സംഘടിപ്പിച്ചത്