ദമ്മാം: ക്യാൻസർ രോഗം കാരണം 2015 ജനുവരി 26 ന് മരണമടഞ്ഞ നവയുഗം സാംസ്കാരികവേദി കേന്ദ്രകമ്മിറ്റി വൈസ് പ്രസിഡന്റും, സൗദിയിലെ പ്രമുഖ ജീവകാരുണ്യപ്രവർത്തകയുമായ സഫിയ അജിത്തിന്റെ ഏഴാം ചരമവാർഷികം പ്രമാണിച്ചു, നവയുഗം അൽഹസ്സ ഷുഖൈഖ് യൂണിറ്റ്കമ്മിറ്റി അനുസ്മരണയോഗം സംഘടിപ്പിച്ചു.

നവയുഗം ഷുഖൈഖ് യൂണിറ്റ് കമ്മിറ്റി ഓഫിസ് ഹാളിൽ നടന്ന സഫിയ അജിത്ത് അനുസ്മരണയോഗത്തിൽ നവയുഗം കേന്ദ്രകമ്മിറ്റി അംഗവും ജീവകാരുണ്യപ്രവർത്തകനുമായ സിയാദ് പള്ളിമുക്ക് അധ്യക്ഷത വഹിച്ചു.

നവയുഗം അൽഹസ്സ ജീവകാരുണ്യവിഭാഗം കൺവീനറും കേന്ദ്രകമ്മിറ്റി അംഗവുമായ അബ്ദുൾലത്തീഫ് മൈനാഗപ്പള്ളി യോഗം ഉത്ഘാടനം ചെയ്തു, സഫിയ അജിത്ത് അനുസ്മരണ പ്രഭാഷണം നടത്തി.

നവയുഗം അൽഹസ്സ മേഖല പ്രസിഡന്റ് ഉണ്ണി മാധവം, ഷുഖൈഖ് യൂണിറ്റ് ട്രെഷറർ ഷിബു താഹിർ എന്നിവർ അനുസ്മരണ പ്രസംഗങ്ങൾ നടത്തി.

അനുസ്മരണ യോഗത്തിന് നവയുഗം അൽഹസ്സ മേഖല നേതാക്കളായ ഹക്കിം സ്വാഗതവും, സിയാമുദ്ദീൻ നന്ദിയും പറഞ്ഞു.