മനാമ: 2024 ഓടെ പൊതുമരാമത്ത്, മുനിസിപ്പൽ, നഗരാസൂത്രണ കാര്യ മന്ത്രാലയത്തിലെ പ്രവാസി തൊഴിലാളികളുടെ എണ്ണം കുറക്കാൻ തീരുമാനം. വിദേശ തൊഴിലാളികളുടെ എണ്ണം 2024 ഓടെ അഞ്ച് ശതമാനമായി കുറക്കുമെന്ന് മന്ത്രി ഇസാം ബിൻ അബ്ദുല്ല ഖലഫ് വ്യക്തമാക്കി.

മന്ത്രാലയത്തിൽ കൂടുതൽ സ്വദേശി ജീവനക്കാരെ നിയമിക്കുന്നതുമായി ബന്ധപ്പെട്ട് ചർച്ച നടന്നു. വിദേശികളായ ജീവനക്കാർക്ക് പകരം സ്വദേശികളെ നിയമിക്കാനും അതുവഴി തൊഴിലില്ലായ്മക്ക് അറുതി വരുത്താനുമുള്ള അഭിപ്രായങ്ങളാണ് യോഗത്തിൽ ഉന്നയിച്ചത്. ഐ.ടി, സാങ്കേതിക മേഖലകളിൽ സ്വദേശികൾക്ക് അവസരം നൽകുകയോ ഔട്ട് സോഴ്‌സ് ചെയ്യുകയോ വേണമെന്ന അഭിപ്രായങ്ങളും ഉയർന്നു.