ബ്രുക്ക്‌ലിൻ (ന്യുയോർക്ക്) : ഇന്ന് രാവിലെ (ഞായറാഴ്ച) ജോലിക്ക് പോയിരുന്ന മദ്ധ്യവയസ്‌കയെ പുറകിൽ നിന്നും കുത്തി കൊലപ്പെടുത്തിയതായി ബ്രുക്ക്‌ലിൻ പൊലീസ് അറിയിച്ചു .
ഡൊറോത്തി ക്ലാർക്ക് (50) പുലർച്ചയെ വീട്ടിൽ നിന്നും ഒരു മൈൽ അകലെയുള്ള ജോലി സ്ഥലത്തേക്ക് പോകുന്നതിനിടയിലാണ് ആരോ ഇവരെ കുത്തിയത് .
ഗ്ലെൻവുഡ് റോഡിന് സമീപം ആൽബനി അവന്യുവിൽ പാർക്കിങ് ലോട്ട് ക്രോസ് ചെയ്യുന്നതിനിടയിലാണ് ഇവർ ആക്രമിക്കപ്പെടുകയും ഉടനെ തൊട്ടടുത്തുള്ള ജോലി ചെയ്തിരുന്ന പാത്ത് മാർക്ക് സ്റ്റോറിലേക്ക് ഓടി കയറുകയും ചെയ്തു . എന്നെ ആരോ പുറകിൽ നിന്നും ആക്രമിച്ചുവെന്നാണ് ഇവർ ആദ്യം പറഞ്ഞത് പിന്നീട് പുറത്ത് ചൂട് അനുഭവപ്പെടുന്നതായും ഇവർ പറഞ്ഞു . വിശദമായി പരിശോധിച്ചപ്പോൾ പുറകെ വശത്ത് വലിയൊരു കത്തി തറച്ചിരിക്കുകയായിരുന്നു , തുടർന്ന് അബോധാവസ്ഥയിലേക്ക് പോയ ഇവരെ ഉടനെ ആശുപത്രിയിൽ എത്തിച്ചുവെങ്കിലും ജീവൻ രക്ഷിക്കാനായില്ല .
സഹപ്രവർത്തക സിക്ക് വിളിച്ചതിനെ തുടർന്നാണ് ഇവരെ ജോലിക്ക് വിളിപ്പിച്ചത് .ചില മാസങ്ങൾക്ക് മുൻപ് ഒരു പുരുഷനുമായി ഇവർ സൗഹൃദത്തിലായിരുന്നെന്നും പിന്നീട് അത് തകരുകയും ചെയ്തതായി സഹോദരി പറഞ്ഞു . ഇയാൾ ഡൊറോത്തിക്ക് അനാവശ്യ ടെക്സ്റ്റ് മെസേജുകൾ അയച്ചിരുന്നെന്നും സഹോദരി പറഞ്ഞു . ഇത് വരെ ഈ സംഭവത്തിൽ ആരെയും അറസ്റ്റ് ചെയ്തിട്ടില്ലെന്ന് പൊലീസ് പറഞ്ഞു . അന്വേഷണം ഊർജിതപ്പെടുത്തിയിട്ടുണ്ട്
