അടുത്ത മാസം മുതൽ, സിംഗപ്പൂരിലെ ഏറ്റവും വലിയ ടാക്‌സി ഓപ്പറേറ്ററായ കംഫോർട്ട്‌ഡെൽഗ്രോ യാത്രക്കാരിൽ നിന്ന് നിരക്ക് വർദ്ധനവ് ഏർപ്പെടുത്തും. 2011 അവസാനത്തിന് ശേഷം ആദ്യമാണ് കമ്പനി നിരക്ക് വർദ്ധിപ്പിക്കുന്നത്. ഇന്ധനച്ചെലവും പണപ്പെരുപ്പവും കുറയ്ക്കാൻ സഹായിക്കുന്നതിനായാണ് വർദ്ധനവ് നടപ്പിലാക്കുന്നതെന്ന് കമ്പനി അറിയിച്ചു.
മാർച്ച് 1 ന് രാവിലെ 6 മുതൽ കമ്പനിയുടെ മുഴുവൻ ടാക്‌സികളിലും ഫ്‌ളാഗ്ഡൗൺ നിരക്കുകൾ 20 സെന്റ് വർദ്ധിക്കുമെന്ന് കംഫർട്ട്‌ഡെൽഗ്രോ ചൊവ്വാഴ്ച അറിയിച്ചു.അതായത് ഹ്യൂണ്ടായ് i40 ടാക്‌സിയുടെ ഫ്‌ളാഗ്ഡൗൺ നിരക്ക് 3.70ഡോളറിൽ നിന്ന് 3.90 ഡോളറായി ഉയരും. Toyota Prius, Hyundai Ioniq, Kona ടാക്സികൾക്കും LimoCabs, MaxiCabs എന്നിവയ്ക്കും 3.90ഡോളറിൽ നിന്ന് 4.10 ഡോളറായി ഉയരും.
ദൂരവും സമയവും അടിസ്ഥാനമാക്കിയുള്ള നിരക്കുകളും ഉയരും. സാധാരണ ടാക്സികൾക്ക്, ഓരോ 400 മീറ്ററിലും (അല്ലെങ്കിൽ 10 കിലോമീറ്ററിന് ശേഷം ഓരോ 350 മീറ്ററിലും) ദൂര സമയ നിരക്കുകൾ രണ്ട് സെന്റ് വീതം ഉയരും, ഓരോ 45 സെക്കൻഡിലും കാത്തിരിപ്പ് സമയ ഫീസ് രണ്ട് സെന്റ് വീതം വർദ്ധിക്കും. ലിമോസിൻ ക്യാബുകൾക്ക്, ദൂര സമയത്തിനും കാത്തിരിപ്പ് സമയത്തിനും മൂന്ന് സെന്റാണ് വർദ്ധനവ്.
ഒരു സാധാരണ ടാക്സിയിൽ 10 കിലോമീറ്റർ ഓഫ്-പീക്ക് യാത്രയ്ക്ക്, മാറ്റങ്ങൾ കണക്കാക്കിയാൽ നിരക്ക് 7.7 ശതമാനം (അല്ലെങ്കിൽ 84 സെന്റ്) 10.98 ൽ നിന്ന് 11.82 ഡോളർ ആയി വർദ്ധിക്കും.
