വീട്ടിൽ നിന്ന് ജോലി ചെയ്യുന്നതിനുള്ള പുതിയ നിയമങ്ങൾ ഡെന്മാർക്ക് പ്രഖ്യാപിച്ചു.ഭൂരിഭാഗം രാഷ്ട്രീയ പാർട്ടികളും തമ്മിലുള്ള ധാരണയെത്തുടർന്നാണ് പുതിയ നിയമങ്ങൾ പ്രഖ്യാപിച്ചിരിക്കുന്നത്.പ്രതിപക്ഷമായ ലിബറൽ (വെൻസ്‌ട്രെ), കൺസർവേറ്റീവ്, ഡാനിഷ് പീപ്പിൾസ് പാർട്ടികളുമായി സർക്കാരും മധ്യ-ഇടത് സഖ്യകക്ഷിയായ സോഷ്യൽ ലിബറലുകളും ചർച്ച നടത്തുകയും(റാഡികലെ വെൻസ്‌ട്രെ) വ്യവസ്ഥകൾ അംഗീകരിച്ചതിന് ശേഷമാണ് ഡാനിഷ് എംപ്ലോയ്മെന്റ് മന്ത്രാലയം പുതിയ നിയമങ്ങൾ പ്രഖ്യാപിച്ചത്.
വീട്ടിലിരുന്ന് ജോലി ചെയ്യാൻ ഇലക്ട്രോണിക് ഉപകരണങ്ങളോ സ്‌ക്രീനുകളോ ഉപയോഗിക്കുന്ന ആളുകൾക്ക് പുതിയ നിയമങ്ങൾ വളരെ പ്രധാനമാണ്.ചില മാനദണ്ഡങ്ങൾ പാലിക്കുന്നുണ്ടെങ്കിൽ കമ്പനികളിലെ ജീവനക്കാർക്ക് വീട്ടിലിരുന്ന് ജോലി ചെയ്യാൻ സ്വന്തം ഉപകരണങ്ങൾ ഉപയോഗിക്കാൻ അനുവാദമുണ്ടായിരിക്കും.പുതിയ കരാറിൽ പറഞ്ഞിരിക്കുന്ന മാനദണ്ഡങ്ങൾ പാലിക്കുന്നില്ലെങ്കിൽ, ആവശ്യമായ ഹാർഡ്വെയർ നൽകാൻ തൊഴിലുടമകൾ ബാധ്യസ്ഥരാണ്.
ആഴ്ചയിലൊരിക്കലോ അതിലധികമോ വീട്ടിലിരുന്ന് ജോലി ചെയ്യുന്ന ജീവനക്കാർക്കെല്ലാം പുതിയ നിയമം ബാധകമായിരിക്കും.അതായത് ഒരു മാസത്തിനിടയിൽ ആഴ്ചയിൽ ശരാശരി രണ്ട് ദിവസത്തിൽ കൂടുതൽ ജോലി ചെയ്യുന്ന ജീവനക്കാർക്കുള്ള ഉപകരണങ്ങൾ മാത്രമായിരിക്കും തൊഴിലുടമ നൽകാവൂ.നിയമങ്ങളിലെ മാറ്റം ഏപ്രിൽ അവസാനത്തോടെ പ്രാബല്യത്തിൽ വരുമെന്ന് പ്രതീക്ഷിക്കുന്നത.
