അഞ്ചു വയസുകാരിയെ പീഡിപ്പിക്കാൻ ശ്രമം; സമീപവാസിയായ 65 കാരൻ അറസ്റ്റിൽ
ഇടുക്കി വണ്ടിപ്പെരിയാറിൽ അഞ്ച് വയസ്സുകാരിയെ പീഡിപ്പിക്കാൻ ശ്രമം. സമീപവാസിയായ അറുപത്തിയഞ്ചുകാരനെ വണ്ടിപ്പെരിയാർ പൊലീസ് അറസ്റ്റ് ചെയ്തു. കുട്ടിയുടെ മാതാപിതാക്കൾ ചൈൽഡ് ലൈനിൽ നൽകിയ പരാതിയെ തുടർന്ന് പൊലീസ് സമീപവാസിയായ തമ്പിയെ അറസ്റ്റ് ചെയ്യുകയായിരുന്നു.
രണ്ട് ദിവസ്സം മുമ്പാണ് സംഭവം നടന്നത്.പെൺകുട്ടിയുടെ മാതാപിതാക്കൾ ജോലിക്ക് പോയ സമയത്ത് സമീപവാസിയും അറുപത്തിയഞ്ചുകാരനുമായ തമ്പി പെൺകുട്ടിയെ പീഡിപ്പിക്കാൻ ശ്രമിക്കുകയായിരുന്നു.
ജോലികഴിഞ്ഞ് മടങ്ങിയെത്തിയ മാതാപിതാക്കളോട് പെൺകുട്ടി സംഭവം പറയുകയും പിന്നീട് ഇവർ ചൈൽഡ് ലൈനെ വിവരമറിയിക്കുകയുമായിരുന്നു. പിന്നീട് വണ്ടിപ്പെരിയാർ സി ഐ റ്റി ഡി സുനിൽകുമാറിന്റെ നേതൃത്വത്തിലുള്ള പൊലീസ് സംഘം ഇയാളെ അറസ്റ്റ് ചെയ്യുകയായിരുന്നു.
കഴിഞ്ഞ ജൂൺ മുപ്പതിനാണ് കേരളത്തെയാകെ ഞെട്ടിച്ച ആറുവയസ്സുകാരുയടെ കൊലപാതകം വണ്ടിപ്പെരിയാറിൽ നടന്നത്.എസ്റ്റേറ്റ് ലയത്തിൽ താമസിക്കുന്ന പെൺകുട്ടിയെ മാതാപിതാക്കളില്ലാത്ത സമയത്ത് നിരവധി തവണ പീഡിപ്പിക്കുകയും തുടർന്ന് ഇതേ ലയത്തിനുള്ളിൽ പെൺകുട്ടിയെ കെട്ടി തൂക്കി കൊലപ്പെടുത്തുകയുമാണ് ചെയ്തത്. ഇതിന് പിന്നാലെയാണ് വീണ്ടും വണ്ടിപ്പെരിയാറിൽ അഞ്ചുവയസ്സുകാരിക്ക് നേരെ പീഡന ശ്രമം നടന്നിരിക്കുന്നത്.
