ഒമാനിൽ 23,000 വ്യാജ സിഗരറ്റുകൾ പിടിച്ചെടുത്തു

മസ്‌കറ്റ്: ഒമാനിലെ വിവിധ സ്ഥലങ്ങളിൽ നടത്തിയ പരിശോധനയിൽ 23,000ത്തിലധികം വ്യാജ സിഗരറ്റുകൾ പിടിച്ചെടുത്തു. മസ്‌കറ്റിലും വടക്കൻ അൽ ബത്തിനയിലുമുള്ള വിവിധ സ്ഥലങ്ങളിൽ റോയൽ ഒമാൻ പൊലീസ് നടത്തിയ പരിശോധനയിലാണ് ഇവ പിടിച്ചെടുത്തത്.

ഇൻവെസ്റ്റിഗേഷൻ ആൻഡ് റിസ്‌ക് അസസ്മെന്റ് വിഭാഗമാണ് പരിശോധനകൾ നടത്തിയത്. വിദേശ തൊഴിലാളികളുടെ സംഘമാണ് ഈ സ്ഥലങ്ങളിൽ വ്യാജ സിഗരറ്റുകളുടെ വിൽപ്പനയും മറ്റും നടത്തിയിരുന്നതെന്ന് കസ്റ്റംസ് അധികൃതർ പ്രസ്താവനയിൽ പറഞ്ഞു.